16.7 C
Hakha
Thursday, June 17, 2021
- Advertisement -

Ṭial Tharmi

Australia: Victoria ah Covid-19 Mizaw 108 an Hmuh Hna

Tuni ah, Australia ram i minung tambik 2nak a simi Victoria state ah Covid-19 mizaw thar 108 an hmuh hna. March thla in atutiang ni 1 chungah tambik an hmuh si.

Mah ruangah state khualipi Melbourne ah postcode 10 (sang 30 leng) an lockdown mi kha atu cu postcode 12 (sang 50 hrawng) an lockdown cang. Lockdown ah telh chapmi postcode 2 cu 3051 le 3031 an si.

Melbourne khua cu Chinmi 8,000 hrawng kan umnak, Australia ram pumpi ah Chinmi kan tam biknak asi. Lockdown mi lakah Chinmi umnak sang Albanvale, tbk., zong aa tel ve.

Flemington le North Melbourne sang um cozah nih mipi hlanhmi inn sangpi 9 cu a rannak in lockdown an tuah colh hna. Inn sangpi 9 ahcun unit 1,345 a um i minung 3,000 hrawng an um.

Flemington sang i cozah nih sifak hlanhmi inn sangpi cu palek nih an kulh dih colh

Mah inn pawl ah a ummi chungkhar 12 sinah Covid-19 mizaw 23 an hmuh hna caah a rannak in lengchuah an khap hna hi si. Zei tuah ruah hmanh ah lengchuah an ngah lo.

An dihlak in kan dih cikcek hna hnu lawngah lengchuahnak nawl kan pek te hna lai. Ni 5 paoh cu kan rau lai, tiah cozah nih a thanh.

Inn dot kip ah palek an chiah dih hna lai. Luh/chuahnak zong palek nih an congh lai.

Nizaan, Ningani zongah Victoria state ah mizaw thar 66 bak an hmuh hna. Mah hlan liamcia ni 4 chung a pehpeh in ni fatin mizaw thar 70 leng peng an hmuh hna.

“Mizaw thar an tam tuk caah kan zapi in kan thinphang dih,” tiah state cozah hruaitu Premier pu Daniel Andrews nih a chim.

Australia ram state dang pawl ahcun zawtnak a zor tuk cang i a um lo tluk si cang. State kip nih Melbourne cu thin domh in an cuanh cio.

Minung tambik state New South Wales ahcun tuni ah mizaw thar 6 lawng an hmuh hna. 5 cu ramdang khualtlawnnak in a rung kirmi an si. Nizaan cu mizaw thar pakhat hmanh an um lo.

Rampumpi huap in kan chim ahcun, Australia nih ram dang tampi nakin Covid-19 pulrai a kham khawh deuh ngai ko. Rampumpi ah zawtnak ngei hmuhmi dihlak 8,300 fai an si. Mah chungah 104 an thi. An dihlak dengmang (7,350 leng) an dam cang. — 9News le AFP

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -