14.7 C
Hakha
Wednesday, October 20, 2021
- Advertisement -

Ṭial Tharmi

Australia um Pu Tum Hrang chungkhar nih CNA caah $10,000 bak an pek

Australia khuasa Pu Tum Hrang le Pi Biak Thluai chungkhar nih kan Chin Miphun Ralkap (CNA) caah $10,000 (thonghra) an pek.

Australia Laimi dirhmun in chungkhar 1 nih $10,000 pek hi a fawi lo taktakmi asi.

“Atu lio kan ram boruak a chiat tuk caah thil pakhatkhat cang sual sehlaw kan miphun himnak le runvennak caah….” tiin kan ralkap caah $10,000 bak an pek hi si.

Ram le miphun dawtu Pi Biak Thluai le Pu Tum Hrang

Ram le miphun caah a ngeihmi paoh a siangmi Thantlang peng, Zophei tlang, Khuabung chungkhar hi Melbourne khuapi nitlaklei sangah a ummi an si. Pathian nih fanu 3 le fapa 2 rosung a pek hna. An fale zong an i dawh tuk hna.

CDM le kan ralkap caah zaanghleicawi zungzalmi Olivia Nu Cinzah nih, “$10,000 cu kan ralkap caah tiin keimah sinah an pek cang,” tiah a chim.

Pi Biak Thluai cu ‘Chinchin nu’ tiah upatnak in an auhmi si i Australia ram ah sianginn kai a duhmi Kawlram um kan fanaule 300 leng Student Visa in Australia a phakter tu hna, Chinmi nih bochanmi asi.

Olivia Nu Cinzah nih, “Zeitluk in dah miphun a dawt timi cu mithmuh kuttongh bak asi. Australia Laimi dihlak ah amah lawng kan ralkap caah $10,000 a thawh mi si rih. Kan miphun caah bochan tlak le zohchunh tlak taktak mi chungkhar an si,” tiah lunglawmhnak bia a chim.

Aaron bantuk Tlangval Thomas Hlawnceu

Ral teinak caah Moses kut a thlirpiaktu Aaron lungput a ngeimi tlangval Thomas Hlawnceu nih kan Chin Miphun Ralkap (CNA/F) caah $1,000 bak a pek ve.

A mit hrimhrim in a hmuh ruangah a zumtu tlangval Thomas cu Thantlang peng, Zophei tlang, Leitak khuami asi. Australia ah Tint.a.Car dawr ngeimi asi.

Dothlennak pasal/nusal ṭha siangngakchia

Kawlram in Australia ah sianginn kaimi kan naule pawl zong nih an ngeih lo chin $400 an pek.

Ramdangmi caah cun Australia ah sianginn kai hi tangka a dih tuk i siangngakchia pawl hi tangka an rocar taktak. Sianginn kai lo caan ah rethei tukin part-time rian an ṭuan chih.

Mah tluk dirhmun in an ngeih lo chin $400 an pekmi nih, atu bantuk dothlen lio caan ah online ah aukhuan le soisel nih thil ṭha a chuahpi lo an i fiang tuk ti a langhter. Lunghno lei asi, lawmh um tuk hringhran.

Naite zongah CDM caah $4,200 (ting 40) an pek cang.

Upat bochan awktlak Australia Chinmi

CDM caah tangka tampi a hlumi Azing Chuntei

Australia Chinmi nih hin kan ralkap ca lawng si loin ralkap dotu mipi (CDM tuahtu) pawl ca zongah dollar ting 2 (Kawlram ting thong 2) hrawng an hlut cang.

Chin Christian Council in Australia (CCCA) chungtel khrihfabu pawl nih $93,000 (Kawlram ting thong 1) CDM caah an kuat cang. Mah hi hmet law rel khawh asi.

Melbourne khuapi nitlaklei sang um khrihfabu 12 komh Western Melbourne Chin Christian Fellowship (WMCCF) zong nih CDM caah $30,000 (Kawlram ting 300) an hlut. Mah hi hmet law rel khawh asi.

CCCA mino nih Gofundme ah CDM ca bawmh halnak an tuah i $30,000 deng an hmuh cang. $50,000 (Kawlram ting 500) an i tinh. Mah hi hmet law na ti khawh tawk pek ve khawh asi.

South Australia Mino, Azing Chuntei, Ceu Lian Thang, tbk pumpak zong nih ting tampi an hlut.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -