Australia: Perth khua um Chinmi nih CNA caah ting thong 1 an hlut

Australia ram, Perth khuapi um Chinmi pumpak le chungkhar nih Chin Miphun Ralkap (CNA/F) caah tangka an hlutmi dollar ting 1 (Kawlram ting thong 1) leng a chuak cang, tiah kan theih.

Atu lio kan ram boruak a chiat tuk caah, kan miphun himnak le runvennak caah tiin Chin Miphun Ralkap (CNA/F) caah an ti khawh tawk an hlut cio hi si.

Melbourne khuapi nichuahlei um Chin khrihfabu 1 zong nih dollar ting 1 a hlut ve, hmet law rel khawh asi.

Australia um Chinmi nih CNF caah tangka an hlutmi dollar ting 2 (Kawlram ting thong 2) leng asi cang.

Nitlaklei zongah Chinmi tampi le khrihfabu tampi an um. An hlut ve te lai tiah i ruahchan asi.

Mah pinah, Perth khuapi um Chin khrihfabu pawl nih an hlutmi um rih.

Brisbane, Adelaide, Melbourne, tbk in pumpak le chungkhar nih an hlut thluahmah rih lai i Australia in dollar ting tampi a chuak te lai tiah i ruahchan asi.

Laitlang um kan unau hna zong thachiat ding asi lo. Ram thumnak phan nan unau hna nih tangka thazaang in kan ṭuan lai. Laitlang ummi nih thazaang in ṭuan khawh asi ve.

Atu lio kan boruak ahhin Chin Miphun Ralkap ṭhawn a biapi tuk. CNF ah luh a duhmi paoh luh khawh peng asi. Kum 3 ṭuan hnu ahcun duh tik paoh ah zalong tein chuah (i phuah) khawh asi. Duh cun ṭuan thai khawh zong asi.

CNF upa Pu Daniel Sakhong nih, “Kum saupi CNA ttuan duh ah cun kan ni lawm chin chin. Nain kum (3) hnu in a dang rian ttuan duh mi a um, kal duh nak a um ah cun zalong te in chuah tthan khawh a si. Freedom of choice a um tinak. Meithal kong cu zaapi lak ah kan hal hlah uh. Nan sia herh tak tak ah cun a chawnh tuin kan chawn uh,” ati.

Lian
Lianhttps://thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...