17.1 C
Hakha
Monday, September 27, 2021
- Advertisement -

Ṭial Tharmi

Australia: Melbourne ah mask hruk loin bus le tlanglawng aa citmi $200 dantat asi cang lai

Thaizing thokin zarh 2 chung, Melbourne khuapi ah mask hruk loin tlanglawng le bus aa citmi paoh $200 dantat asi cang lai, tiah cozah nih a thanh.

Victoria state khualipi Melbourne cu Australia ram ah Chinmi tam biknak khua asi.

Victoria state cozah nih ‘mi zapi citmi tlanglawng le bus ahcun mask nan i hruk dih lai’ tiin ni kum tanṭim ahkhan nawl a chuah cangmi si nain aa hruk lomi an karh chin lengmang.

Melbourne ah mask aa hruk lomi an karh tuk caah atu bantukin cozah nih a hun rengh hi si. 2020 November thla ahcun mask aa hrukmi 88% an si nain tu thla cu 52% lawng an si cang, acheu hrawng mask hruk loin mi zapi lakah tlanglawng le bus an i cit.

Rianṭuan tlunkal caan zingka le zaanlei ah palik le nawlngeitu pawl tram, train le bus an i cit ve lai i aa hruk lomi paoh mask an pek hna lai. A duh lomi paoh cu a hmun bakah $200 dantat an si lai.

COVID-19 hmelchunhnak a simi taklinh, hrom fah, khuh khuh, thawchuah i harh, rim le thawtnam theih lo, ti bantuk a tongmi paoh cu i test colh uh, tiah cozah nih mipi a forhfial hna. — 9News

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -