20.6 C
Hakha
Tuesday, June 22, 2021
- Advertisement -

Ṭial Tharmi

Australia meikaang ruangah minung a zaza an zaam

  • Perth khuapi chaklei cu ni a linh tuk caah khua pawngah meikang a chuak i mi tampi an zaam cang. Perth ah Chinmi thong tampi kan um ve.
  • Nihnihni cun Chinmi tambik kan umnak Melbourne, Adelaide le Sydney zong a lin taktak lai
  • Inn 400 leng a kangh cang. Sianginn tampi an khar

Perth — Western Australia state khualipi Perth pawng ramlak vawlei 20,000 hectares kau ah mei nganpi 3 an kang caah minung nunnak le inn caah thinphang tuk asi, tiah Australia media 9News nih a thanh.

Perth khuapi chaklei um Yanchep, Mogumber le Wanneroo khua pawng hrawng vialte cu atutiang ‘ramlek meikang a um caah a himnak hmun ah ralring tein um uh…’ tiin cozah nih ralrin a pek peng rih hna. Inn le service station cheukhat cu mei nih a kangh cang hna. Sianginn tampi an khar.

Wanneroo khuami a zaza cu an inn an zaamtak cang, tiah The Australian media nih a thanh. Inn thong tampi cu mei nih a hrawh khawh men hna, tiah mipi thinphang in an um.

Meithat tampi le zaanghleicawi khuami tampi nih meithahnak mawṭaw tampi le helicopter 4 le vanlawng hme 4 in an thah thluahmah lio asi.

Australia ram chung meithahnak vanlawng nganbik ‘Boeing 737’ zong New South Wales state in Perth khuapi ah an rung zuanpi cang.

Perth (WA state) lawng si loin Queensland le NSW state zongah ramlek meikang an um len ve.

November thla in atutiang ah Australia ram chung vawlei 2.5 million acres ah mei a kaang cang i inn 400 leng a hrawh cang, tiah Sky News media nih a thanh ve.

Australia ram ahcun December in February tiang hi Ṭhal caan asi, nain tutan cu kum dang nakin nilin a fak khun, khua cheukhat ahcun a pehpeh in ni 4 chung 40 degree celcius tiang a phan cang.

Australia Khuacaan Zohnak Zung nih, “South Australia state khua cheukhat ahcun nilin 45 degree celcius tiang a phan kho,” tiah a thanh.

Khuacaan zohthiam Diana Eadie nih ABC media sinah “theih lo cun Australia Thlanglei state um Oodnadatta khua ahcun Australia tuanbia ah a linh bik lio 50.7C hmanh kha a lonh khawh men,” tiah a chim.

Ni a linh tuk caah burbuk le hramh an rocar tuk i amah tein meikaang a chuahnak si lai, cun mei a duahtu zong an um kho men, tiah an zumh. Ramlak meikaang cu thli nih a hranh caah khua chung lei ah a ra thluahmah.

Nihnihni hrawng ahcun Chinmi tampi kan umnak Adelaide, Melbourne, Sydney le Australia khualipi Canberra zong a lin taktak lai, tiah zumh asi.

Charhchan: The Age, 9 News, Sky News, The Australian

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -