15.1 C
Hakha
Monday, June 21, 2021
- Advertisement -

Ṭial Tharmi

Australia le Germany um Chinmi nih visa sok loin Kawlram tlawn khawh si cang

Voi dang ahcun Australia, Germany, Italy, Spain, Switzerland le Russia citizen paoh cu Kawlram tlawn duh ahcun kan ram um Myanmar Tanzung ah visa sok hmasa in ngah hnu lawngah tlawn khawh asi tawn.

Atu cu Myanmar cozah nih acunglei langhtermi ram 6 citizen paoh cu visa sok hau loin kan ram tlawnnak nawl kan pek cang hna. Myanmar nan phak tik tu ah airport ah minung 1 $50 in visa kan in pek te hna lai (visa-on-arrival), tiah thawng a thanh.

Hi ram 6 citizen paoh cu 2019 October 1 thokin phanh-tik-visa-pek (visa-on-arrival) si cang. Kawlram khuapi 3; Yangon, Mandalay le Naypyitaw ah ramdang vanlawngtual (international airports) an um. Mahka airport i kan ṭum tikah minung 1 $50 liam in visa pek dih kan si lai.

Australia le Germany ah Chinmi tampi kan um. Kan caah thawngpang ṭha tuk asi. Vanlawng ticket cawk in duh tik paoh ah Kawlram va tlawn khawh si cang.

Myanmar Khualtlawng Karhtenak Zung lutlai Daw May Myat Mon Win nih, “Myanmar tlawn a fawiter deuhmi upadi thar nihhin vawlei cung ramkip in khualtlawng a karhter lai ti kan i ruahchan,” tiah a chim.

Ni kum ah; Japan, South Korea, Hong Kong le Macau citizens paoh cu visa-haulo (visa-free) in Myanmar tlawnnak nawl a pek cang hna.

China le India rammi zong phanh-tik-visa-pek (visa-on-arrival) in tlawnnak nawl a pek hna. Kan ram ah Asia khualtlawng karh hna sehlaw kan ram chung chawlehnak ṭhangcho seh tiin a tuahmi si. An i tinh bang, tu kum cu Myanmar ah Asia khualtlawng an karh ngaingai.

January in August kar ah, Myanmar tlawng Japan rammi hi ni kum nakin 24% bak an karh, tiah Daw May Myat Mon Win nih a chim.

Hotel le Khualtlawng Vuanci Zung nih cazin a chuahmi zoh tikah, ni kum thokka thla 8 chungah Japan rammi 65,000 nih Myanmar an tlawn i tu kum cu 82,000 nih an tlawng cang, ti hmuh khawh asi.

“Kan ram ah ramdang khualtlawng karh deuh hna seh tiin kum fatin promotion kan tuah peng. Thailand, Cambodia, Malaysia le Indonesia kan zuam hna a herh caah kan ram ah khualtlawng an karhnak hnga i zuam peng kan hau,” tiah Daw May Myat Mon Win nih a chim. — The Myanmar Times

- Advertisement -

Ṭial Tharmi

Malaysia um refugee pawl cu ‘CanSino’ raikhamsi chunh an si lai

Malaysia um refugee pawl zong raikhamsi chunh an si ve ko lai. CanSino raikhamsi chunh an si lai, tiah Malaysia cozah nih a thanh. Malaysia...

Chin refugee an i telnak Malaysia movie nih Shanghai ah ‘movie ṭhabik laksawng’ a ngah

'Barbarian Invasion' timi Malaysia um Chin refugee 2 an i telnak movie nih China ram Shanghai ah movie ṭhabik laksawng Jury Grand Prix a...

Russia ah Min Aung Hlaing a phan

Myanmar uknak firtu ralkap bawizik Min Aung Hlaing cu humhimnak meeting kai dingin nizaan ah Russia khualipi Moscow a phan. February 1 ah uknak...
- Advertisement -

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -