Australia rampi ah Ngunkeng bawm (Assistant Treasurer) a tuan lio mi The Hon Michael Sukkar, Member of parliament he ton biaruahnak kan ngei kho.

Tutan kan i tonnak hi amah MP Michael Sukkar nih Australia Chin Community Eastern Melbourne Inc len kan duh hna a kan ti caah kan i tonmi a si.

MP Michael Sukkar hi Term 2nk MP a tuan lawng si loin a term 2nk ah Assistant Treasurer tiang an pekmi mi asi. Laimi a kan dirkamh ngaingai mi MP a si.

Tutan nan sin ka rat hi biatung ngai kaa ken lo nain zeidah nan lawh, nan herhmi aum maw, nan Ram teh zeidah a lawh ti btk theih ka duh caah kan len hnanak a si a ti.

ACCEM nih lawmhnak le kan sining kong chimhruahnak kan ngei. Kan Community nih kan herhmi le kan duhmi pawl hna chimhruahnak kan ngei kho. Cu pinah Kawlram kong le zeidah a cang set mi ti kong zong kan i ruah kho.

Ramchung nining kong siseh, nanmah sining le herhmi kong siseh tuanah Parliament meeting kan ngei caah chimhrelnak kan ngeih piak hna lai a ti. Perth in senator Dean Smith kong i lawmnak kan chimh mi zong kan i tong lai i ka chimh te lai a kan ti. Hi btk rianngan a tlaimi MP a thawngmi hna he naihniam tein bia kan i ruahkhawh le dirkamhnak tu kan ngeih hi kan Miphun Pathian nih a kan dawtnak le Pathian sin in kan hmuhmi thluachuah an si.

Tutan ah kan mah community kong siseh, India le Malaysia i a taangmi kan miphun kong le kan ram kong tiang biaruahnak kan ngei kho i kan lung a nuam ngaingai . Malaysia le India i a taangrih mi kan Miphun kong cu cozah riantuan mi Pipa he ton tik paoh ah kan chimh zungzal mi a si. Tutan zongah biapi in chimrelnak le caihmainak kan ngei kho.

Bia tamnawn kan i ruah hnu ah biapi bik in nan ruahmi kha chim ulaw a herhmi minung ton piak ding le chimrel piaknak ngeih ding in a kan ti caah a tanglei hna hi halnak kan ngei.

1. Australia Chin Community Eastern Melbourne Inc nih kan herhmi kong (thil tamnawn a um).

3. Malaysia le India i a taang rihmi Refugee kong le chungkhar auhnak si mi 202 visa in lak khawhnak kong.

3. Rammi sinak (Citizenship) kong hna an si.

Australia Chin Community ( Eastern Melbourne Inc) cu 2007 ah rak dirhmi le Khrihfabu pariat nih faakpi in dirkamh mi Miphun ca riantuantu bu a si.

Thawngpang Laknak: Australia Chin Community – EM

Zeitin na ruah?

Zaangfah na comment ṭial!
Zaangfah tein ka hin a min ṭial