16.7 C
Hakha
Thursday, June 17, 2021
- Advertisement -

Ṭial Tharmi

Australia Cozah le Mary Chen nih Malaysia um Chin refugee RM50,000 an bawmh hna

“Malaysia cozah lengchuah khapmi ruangah rawl a harsami Chin refugee caah CRC nih Australia Tanzung ah bawmhnak kan hal i Home Affairs Ministry nih RM30,000 a kan bawmh,” tiah CRC Coordinator Pu Dawt Ceu Bik le CRC in tanzung lei ṭuanvo latu Ṭha Ceu Lian @Ceumi nih The Chin Express ah an chim.

“RM30,000 in facang 1okg bag 530 le 5kg bag 800, le chiti bag 2,703 (box 159) kan cawk i Chin refugee chungkhar le pumpak 1,330 leng kan phawt hna.

“Cozah nih lengchuah a khap caah bawmhnak phawt a har tuk ko nain, CRC cu MRSI sinah ṭhohkhansa kan lak i khuazei paoh ah fawi tein bawmhnak kan va pek khawh ko hna.

“Malaysia cozah nih lengchuah a khap ka ahkhan rawl bawmhnak a herhmi Chin refugee chungkhar le pumpak 789 nih CRC sinah min cazin an pek. ACR, FRO, ZRC le Dai sinah 844 nih min an pek ve. A dihlak 1,633 (milu 5,000 hrawng) cu Independent Chin Communities (ICC) min in UNHCR sinah bawmh kan halpiak hna.

“Nain, UNHCR nih a kan bawm lo. NGO chawnhnak phone number lawng a kan pek. NGO cu kan chawnh hna nain bawmh haumi an tamtuk caah an bawm kho dih hna lo.

“Mah hnu ah CRC meeting kan ṭhu i Australia Tanzung ah bawmhnak kan hal hi si. RM30,000 a kan bawmh hnu zongah ahcun a ting lomi an tam tuk rih.

“Cozah nih lengchuah khapmi voi 3 tiang a sauh caah, hmasa min a pemi pinah CRC phone a kan chawn ṭhanmi an tamtuk. 200 leng an si.

Malaysia rammi nih CRC sin in Chin refugee an bawmhmi hna

“Zeitin kan tuah lai tiin khua kan khan lio ah Beacon Hospital ngeitu nu Mary Chen (Malaysia Tuluk) nih chungkhar 500 caah RM20,000 man facang, chiti, ngapih le arti a kan bawmh.

“Mary Chen hi Pu John Kham a nupi chungkhat asi. A harsami bawmh ka duh hna tiin Pu John Kham sinah a chim i cutin a kan bawmh hi si.

“Pu John Kham nih amah mawṭaw le a pu lorry in bawmhnak phawt ding vialte a kan phorhpiak i cutin CRC rianṭuan Ṭha Ceu Lian @Ceumi he refugee umnak hmun kip ah ni 14 chung an phawt hna.

“Pu John Kham nih free bakin ni 14 chung a kan bawmh. A nihlawh le mawṭaw man zong fang 1 hmanh a kan la lo. Miphun dawtnak he zaanghlei a kan cawipiak mi cungah ahlei in kan i lawm khun.

“Bawmhnak kan phawtmi hna hi CRC member lawng an si lo. CRC member asi lomi Falam, Mindat, Paletwa, tbk., ‘bawmhnak kan herh…’ tiin phone kan chawntu Chinmi paoh kan phawt hna.

Ms. Marianne le Mr. Daniel

“NGO a simi RoseTree le Tenaganita zong nih facang, chiti, tbk., rawl bawmhnak a kan pek i a harsa deuhmi chungkhar kan phawt hna.

“Malaysia Tuluk nu ‘Yvonne’ zong nih chungkhar 10 caah facang, chiti le cawhnuk a kan ngalh i Imbi um a harsa deuhmi kan phawt hna.

“Chin refugee a kan daw ngaimi Malaysia Tuluk nu Ms. Marianne le a va Mr. Daniel, le Heidy Quah le a hawile zong nih;

  • Pusat Kepong um Chin chungkhar 30,
  • Klang um chungkhar 50 le
  • Seremban um chungkhar 50 rawl (facang, chiti, arti, cite, khohsuai, tkb., pawl) an bawmh hna.

“Malaysian CARE nih Pudu um chungkhar 20 rawl a bawmh ve hna. Puchong um chungkhar tampi zong Every Nation Church nih a bawmh hna.

Ramdang um Chinmi sin in bawmhnak

“US um Hriphi khuami Pa Za Iap nih lengchuah khap ruangah a harsami Malaysia um Chinmi caah RM1,000 CRC sinah a kan kuat.

“Canada um Zasang Cinzah le Plato Van Rung Mang nih Malaysia le India um Chinmi caah Gofundme ah bawmhhalpiaknak an tuah i Canada dollar 6,000 an hmuh. India ummi caah $4,000 le Malaysia $2,000 tiin a kan kuat. Malaysia cu ICC sinah an kuat i refugee community 5 nih a herhning cio in member bawmhnak caah kan hman.

“Bawmtu dihlak cungah lunglawmhnak chim cawklo kan ngei,” tiah CRC Coordinator le CRC in Tanzung lei ṭuanvo latu nih an chim.

- Advertisement -

Ṭial Tharmi

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...
- Advertisement -

Kawl Ralkap nih pumtlamtlinglo Chinmi 2 meithal in an kah hna i an hrem hna

Uknak firtu Kawl Ralkap nih June 10 ah Chin state, Mindat peng Phaya Sakhan khuate an luhhnawh i pumtlamtlinglo mi nu le pa meithal...

CDF le Kawl Ralkap i kah ruangah a zaammi Chin ralzaam tampi Mizoram ramri ah an i tap

Nai hrawng cu Chin state ah Chinland Defense Force (CDF) le uknak firtu Kawl Ralkap i kahdohnak a fah caah Chinmi a zaza nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -