15.6 C
Hakha
Sunday, June 20, 2021
- Advertisement -

Ṭial Tharmi

Australia cozah bawmhnak le Covid-19 kongah ralrin peknak

July thla chungah Australia ram khuasa minung 5 million hrawng cu Australia cozah nih a chuahmi Coronavirus pulrai tlun chung bawmhnak tangka $750 cio an hmu than lai.

Hi a voihnihnak cozah bawmhnak “Economic Support Payment (ESP)” cu tu thla July 15 hnuah a tlingco dingmi pumpak/chungkhar hna sinah an phawtzamh lai i July 15 in thla thih hlan, zarh 2 chungah an phanhter lai.

Hi bawmhnak tangka cu a voikhatnak bantukin si loin Centrelink bawmhnak hmumi cheukhat lawng nih an hmuh lai. A voikhatnak bawmhnak a rak hmu ve mi Rian kawl liomi bawmhnak (Jobseeker), Sianginn kai liomi bawmhnak (Austudy/ABSTUDY) le Fale zohkhenhtu bawmhnak (Parenting payment) ti bantuk bawmhnak hmumi pawl cu atu tan ah $750 hi an hmu ti lai lo.

Hi bawmhnak tangka a hmu dingmi hna cu Age Pension, Bereavement Allowance, Carer Payment, Commonwealth Seniors Health Card, Disability Support Pension, Double Orphan Pension, Family Tax Benefit A, Family Tax Benefit B, Pensioner Concession Card ti bantuk in bawmhnak phun pawl a hmumi pawl lawng pek an si lai.

[A tlangpi in Chinmi cu chungkhar ah Family Tax Benefit A & B a hmumi kan si, cun cheukhat Pension phun pawl a hmumi kan si.]

Cun, Victoria Ramkulh chungah COVID-19 zawtnak hi a karh chin lengmang caah ralrin ngai kan herh. Ni khat, zaan khat chungah zawtnak ngeimi 73 hmuh chap an si. Cun, Hoppers Crossing Secondary College cu nihin ah ni 3 chung khar dingin timh a si cang.

Cucaah, atu ah hren/kharmi (lockdown tuahmi) postcodes 10 leng i hmun dangah zawtnak hi a karh chin lengmang ahcun ramkulh pumpi ningin phihkhar dih a hau te ko lai tiah Premier Dan Andrews nih ralrin peknak nihin ah a tuah.

Cattialtu: Salai Robert Ngun Sang

- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -