15.6 C
Hakha
Sunday, June 20, 2021
- Advertisement -

Ṭial Tharmi

Australia Chin Biakinn Thilri a Firtu Mirangpa cu Thih Hlan Lo Thongthlak Khawhnak Upadi in Taza an Cuai

Australia ram, South Australia state khualipi Adelaide um Adelaide Chin Christian Church (ACCC) cu tuni July 30 khuadei hlan 1am ah Mirang tlangvalpa nih a baoh i lekṭhik guitar 2, live thlahnak caah an hmanmi $20,000 man mixer, camera le thilri pawl a fir hna.

Palek nih an tlaih i tu chun ah ‘Pathian inn serhsat case’ in taza an cuai. South Australia state ahcun Pathian inn a sersat (baoh, hrawh, tbk.,) tu cu a sau bik thih hlan lo thongthlak khawh an si, lainawn case he aa khat. Mah pinah, thil fir case in taza an cuai chap.

Biakinn a hrawhmi

Mifir pa cu a min ah Shane Gray asi i kum 19 asi. Palek nih cun “biakinn guitar 2 a fir” an ti.

Live thlahnak caah an hmanmi $20,000 man mixer, camera le thilri pawl zong a fir hna nain a kalpi khawh lo caah biakinn tual ah a chiahta hna. Palek nih an chimmi hi cu aa kalpi khawhmi guitar 2 lawng asi.

Shane Gray cu biaceihzung nih bia a khiah hlan aamahkhan in an thlah chung. September thla ah Elizabeth Magistrate Biaceihzung ah a kong an ceih ṭhan te lai.

A put khawh lo caah biakinn tual ah a hlonh tami pawl

Mah hlan zongah ACCC biakinn hi voi tampi baoh an timh lengmang cang caah biakinn area chungah a cawlmi theih khawhnak CCTV (motion sensor CCTV) an bunh. Cutin mifir pa nih biakinn a bauhmi cu an hngalh. Biakinn tual ah thilri aa vorh dihmi an hmuh cangka in palek an chawnh hna.

Palek nih rianrang in pawngkam an kawl colh i lam nai ah biakinn guitar 2 aa putmi Shane Gray an tlaih colh hi si, tiah South Australia palek nih cathanh a chuah.

ACCC Pastor Rev. Cung Hnin nih, “Biakinn hi 2016 ah kan cawk i member 1,113 kan si. Zarhpini pumhnak service live kan thlah kho lai maw ti cu kan hngal rih lo, thil a hrawh dih caah ni 1 chung hrawng tuai/hneksak hmasa an hau lai,” tiah a chim.

“Mah hlan zongah voi tampi baoh an timh cang, tutan cu thil tamtuk an hrawh,” ati.

Pastor Mang Hlei Cung nih, “a hrinṭhanmi Khrihfa asi ahcun hi bantuk thil hi a tuah awk si lo,” tiah a chim ve.

Mifir pa Shan Gray nih, “zuu ka rit caah si,” tiah nih bu in a chim. “Biakinn kulh hruang ka pernak ah ka bawngbi tlek i ka pum cheu hrawng taklawng in ka um.”

“Mah ruang te hna ahcun thong ka tlak awk si lo. Zeihmanh ka fir lopi, ka lakmi cu an ngah ṭhan dih ko hen cu. Amahkhan in an ka thlah ko hita, hahahaah!,” ati.

Adelaide Chin Christian Church (ACCC)
- Advertisement -

Ṭial Tharmi

World Cup luhnak puai Myanmar goal bawhtu Pyae Lyan Aung cu Japan ah refugee a sok

Kum 2022 ah Qatar ram ah tuah ding FIFA World Cup ah i tel khawhnak puai round 2nk cu Japan ram ah an tuah....

Rev Dr Dennis Shu Maung: Ramthumnak phan Chinmi nih Kawlram um Chinmi chanh hna usih

Australia Chin khrihfabu funtomnak bu Chin Christian Council in Australia (CCCA) hruaitu Rev Dr Dennis Shu Maung nih, "Ramthumnak phan Chinmi hna hi atu...

Myanmar ralkap nih ‘innpa ram pawl nih kan cohlang hna seh’ tiin kan ram chuak a zuarh hna

February 1 ah Myanmar ralkap nih mipi thimmi cozah uknak a chuh thokin rampumpi ah mipi nih duhlonak an langhter i cozah rianṭuan pawl...
- Advertisement -

Malaysia PM: Ni fatin mizaw 4,000 tang an si tikah lockdown kan dorh lai

Ni fatin COVID-19 mizaw 4,000 tang an si tikah full lockdown kan dorh lai, tiah Malaysia ram hruaitu Rampumpi Vuancichoh Pu Muhyiddin Yassin (hmanthlak)...

Nupi 39 ngeimi Pu Ziona a nunnak liam

Nupi 39 le fa le tufa 127 a ngeimi Pu Ziona Chana, kum 76 cu Mizoram ah a nunnak liam, tiah Mizoram cozah nih...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -