Australia ah Pu Run Kam Thang nih mual a kan liam tak

Run Kam Thang

Melbourne Nichuah lei ah khua a sami Pu Run Kam Thang (Kamte) nih October 2, 2019 zinglei sml 7:30am hrawngah Lungrawh zawtnak in mual a kan liam tak.

Kamte (kum 32) hi Thantlang khuami Pu Tei Thang le Pi Hlawn Bang hna i an fapa pa 2nk a si. 2005 ahkhan Australia, Melbourne khua ah a phan i Melbourne Nichuah lei ah khua a simi le VCBC Khrihfabu chungtel a si.

Pu Run Kam Thang hi Melbourne Nichuah i a phan mi lakah mi hmasa ngai pakhat a si. Mitha le mi felfai ngaimi a si. A sin um a nuam ngaingaimi le mi capo le mi lung a lawmhter ngaingaimi a si.

Atu btk ruah lo tuk in mual a kan liam tak tikah kan I zumh hrimhrim lo. Kan lung a ar cio. Kamte hi fapa pakhat a ngei i a nupi le a fa hi Malsaysia ah a um liomi an si.

Lungrawh zawtnak hi Nihin kan Miphun ral ngan bik ah a hung cang. Dohnak Lam Pakhat lawnglawng a um. Cucu Pathian bia lawnglawng a si. Cucaah, Miphun le Khrihfabu hna nih faakpi thazaang chuah cio in kan tuanti a hau mi rianngan a si.

Chungkhar hna hnemhnak le thutpinak cu tuzaan le thaizan ah 6:30pm ah thutpinak ngeih a si lai.

Ruakvui ni le caan a fiang kho rih lo. Pehzulh in thawngpaang thanh khawh lengmang kan I zuam lai.

Thutpinak hmun le caan,
Ahmun: VCBC Biakinn
Acaan: 6:30pm

Chungkhar pehtlaihnak :

Rev. Van Dawt Thawng( Thang Thangpa)
M : 0406 146 086 ( Pastor).

Evan : Van Ceu Thang( Afiapa):
M: 0478 780 550( Chungkhar)

Chungkhar hna cungah Bawipa daihnak um hraam ko seh.

Ngaichiatnak tuarpi buin,
ACC

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.