20.1 C
Hakha
Saturday, October 23, 2021
- Advertisement -

Ṭial Tharmi

Australia ah Kawlrammi tampi nih ralkap duhlonak langhter

Atu hi Australia ram ah Kawlrammi tampi nih Victoria Parliament inn hmai ah ralkap uknak kan duh lo tiin lam an zawh.

A luancia kum 10 chungah hika hmun ahhin Kawlrammi voi 3 hrawng lam an zawh cang i tuni tluk in minung tam an chuak bal lo. Tuni a rak chuak khomi cu an tam taktak.

“A rannak in Aung San Suu Kyi thlah uh”, “Aung San Suu Kyi kan dirpi”, “Thil dik kan duh”, “Pi Suu a ngandam ko seh” tiin a rak chuakmi mipi cu an au hna. Min Aung Hlaing kan duh lo timi telhin catar tampi zong an i put hna.

Cun, Myanmar ram hla zong an sa fawn hna.

Myanmar ralkap nih February 1, 2021 ah cozah uknak a chuh caah Myanmar rammi cu ngaihchia, lungrethei le thinlung fak in kan um cio hna.

Myanmar ramchung hmunkip ah ralkap nih an cawngh dih caah mipi pawl cu zeihmanh an tuah ngam lo.

Cucaah Japan, Thailand, Nepal, Australia ram pawl ah a phanmi Kawlrammi tampi nih ralkap uknak kan duh lo tiin lam an zawh hna. US lei zongah duh lonak langhter an i tim.

“Myanmar ram um mipi hna hna sinah biacah kan in duhmi hna cu leng ah rak chuak hrimhrim hlah uh. Ralkap cu minung lungput an ngei lo, mithah zong an hmang.

“Ralbawi Min Aung Hlaing le a hnuzul pawl, kan in duh hna lo. Ralkap uknak hrim kan duh ti lo. Kan ram tthangcho seh ti kan duh. Kan si khawh tawk in ralkap uknak kan duh lonak hi kan langhter lai,” tiah lamzawhnak ah a rami nu pakhat nih a chim.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -