Australia ah Kawlrammi tampi nih ralkap duhlonak langhter

- Advertisement -

Atu hi Australia ram ah Kawlrammi tampi nih Victoria Parliament inn hmai ah ralkap uknak kan duh lo tiin lam an zawh.

A luancia kum 10 chungah hika hmun ahhin Kawlrammi voi 3 hrawng lam an zawh cang i tuni tluk in minung tam an chuak bal lo. Tuni a rak chuak khomi cu an tam taktak.

“A rannak in Aung San Suu Kyi thlah uh”, “Aung San Suu Kyi kan dirpi”, “Thil dik kan duh”, “Pi Suu a ngandam ko seh” tiin a rak chuakmi mipi cu an au hna. Min Aung Hlaing kan duh lo timi telhin catar tampi zong an i put hna.

Cun, Myanmar ram hla zong an sa fawn hna.

Myanmar ralkap nih February 1, 2021 ah cozah uknak a chuh caah Myanmar rammi cu ngaihchia, lungrethei le thinlung fak in kan um cio hna.

Myanmar ramchung hmunkip ah ralkap nih an cawngh dih caah mipi pawl cu zeihmanh an tuah ngam lo.

Cucaah Japan, Thailand, Nepal, Australia ram pawl ah a phanmi Kawlrammi tampi nih ralkap uknak kan duh lo tiin lam an zawh hna. US lei zongah duh lonak langhter an i tim.

“Myanmar ram um mipi hna hna sinah biacah kan in duhmi hna cu leng ah rak chuak hrimhrim hlah uh. Ralkap cu minung lungput an ngei lo, mithah zong an hmang.

“Ralbawi Min Aung Hlaing le a hnuzul pawl, kan in duh hna lo. Ralkap uknak hrim kan duh ti lo. Kan ram tthangcho seh ti kan duh. Kan si khawh tawk in ralkap uknak kan duh lonak hi kan langhter lai,” tiah lamzawhnak ah a rami nu pakhat nih a chim.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...