Aungbali Ting Thong 15 a Pohtu Kum 24 Nu: Mandalay

Mandalay um kum 24 nu nih aungbali ting thong 15 a poh.

Mandalay khua, Pyikyitakhun peng, Ziuk khuate ah inn hlan chom in a um i nga a zuarmi kum 24 nu nih December 2020 ah aungbali ting thong 15 a poh.

Win Win Ik, kum 24 nih, “2020 chung cu aungbali ka caw bal lo nain December thla ah voi 1 te ka cawk i mah zat ka poh hi si, ka khuaruahhar ko,” tiah a chim.

“Unau 5 chuak lakah upa bik ka si. 56 Lam i Aungpinlay Market ah nga zuar in chungkhar a zohkhenhmi ka si. Atu ka umnak zongah inn hlan chom in a ummi ka si.

“Kum 19 ka si in aungbali cawk kai thok cang nain voi 1 hmanh ka poh bal lo. Avoi 1nk bik ah ting thong 15 ka poh cu atutiang kai zumh kho rih lo.

“Hmasa cun inn kan rak ngei ko nain tangka hlen kan ton ruangah leiba kan ngei i atu bantukin inn hlang dirhmun kan phak hi si.

“Ka pa nupi dang a ngeih hnu in, ka nu he nga zuar in kan i cawm. Ka nu nih sianginn zong aa ka kaiter ko nain Tang 7 ka kai lio ah kai phuak,” tiah a dirhmun a chim.

“Nga zuar cu ka zuam ti lo.

“Atu bantukin aungbali ka poh hnu cun chungkhat pawl zong nih an hung ka pehtlaih cio.

“Aungbali ticket kha rak ap law cutin khatin an ti i ka lungbuai ngai. Ticket cu zungkhar he aa ton caah ka chuah rih lo.

“Inn tlun awk ka ṭhat rih lo caah hmun dangah ka um lio si.

“Zei si dah ka duh ti ahcun, ka nu le ka naule caah tuah awk ummi ka tuah khawh in metilah luh ka duh. Va ngeih cu ka duh lo,” tiah a lungthlitum a chim.

“Keimah bantukin hopaoh nih ting thong 15 aungbali poh khawh asi caah tlolh lo tein caw cio uh, keimah zong aungbali (T) ka caw peng rih lai,” ati.

Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Chin ralkap nih Myanmar ralkap 3 an thah hna

Zotung pengah uknak firtu Myanmar ralkap 3 kan thah hna, tiah CDF-Zotung nih a chim. "Matupi khua in raltuk...

UNHCR Card/Catlap thlen kong – Malaysia

Kum 2020 le 2021 chungah UN card/catlap nithla a dihmi pawl rianrang deuh in thlen piak hna dingin...

Sawmnak: CNA ralkap caah phaisa kawlnak bawlung puai an tuah lai

CNF Malaysia nih CNA ralkap caah phaisa kawlnak bawlung puai kan tuah lai caah Malaysia um Chinmi vialte...

CNA ralkap caah Malaysia um Matupi nih RM2,000 an hlut

Malaysia um Matupi kan unau hna nih CNA ralkap caah RM2,000 an hlut. CDF-Matupi Battalion 2 Cingtlang Bawmtu...