21.5 C
Hakha
Monday, February 24, 2020
More

    Aung La vs Vera puai LIVE zohnak le a caan

    Follow Us

    99,980FansLike
    441SubscribersSubscribe

    Ṭial Tharmi

    - Advertisement -

    Myanmar Lim (Burmese Python) tiin auhmi Kachin pa Aung La Nsang le Brandon Vera cu October 13 (Zarhpini) zaanlei ah Japan khualipi Tokyo ah an i phomh cang lai.

    Myanmar ram ahcun MRTV nih 5pm ah LIVE (TV) a thlah lai. Skynet Sports 3 le Skynet Sports HD zong nih 2:30pm ah TV an thlah ve lai, nain Aungla te group puai cu 5pm in aa thok te lai. Aungla te group ahhin puai 6 um i Aungla cu a donghnak bik puai 6nk ah aa phomhte lai.

    Aung La Nsang cu atu lio ONE Middleweight le Light Heavyweight World Champion asi. A light heavyweight champion sui taisawm cu chuh dingin America chuak Filipin pa Brandon Vera (ONE Heavyweight World Champion) nih a singkhaw caah phomh an i timh hi si.

    Malaysia ahcun Astro Super Sports nih 6:30pm ah LIVE (TV) a thlah lai.

    Aung La le Vera nih knockout in mi an teimi hna dihlak VIDEO

    Aung La Nsang nih a champion taisawm a veng kho lai maw a sung ruangmang lai dah tiah Myanmar rammi vialte an thinphang dih.

    US ahcun B/R nih 6:30am (Zarhpini, Eastern Time) ah LIVE a thlah lai. Singapore cu Toggle nih 6:30pm ah a thlah ve lai.

    Brandon Vera nih Aung La Nsang taisawm pakhat cu a chut kho lai maw tiah Philippines rammi vialte nih i ngaih takin an hngah ve.

    India ahcun Hotstar le Star Sports Select nih 4pm ah LIVE an thlah ve lai.

    Philippines le ramdangmi cheukhat nih cun Brandon Vera nih a tei lai tiah an zumh. Myanmar MMA paṭhawng pawl nih cun Aung La Nsang nih a tei lai ti an zumh ve.

    Philippines ram ahcun ABS-CBN S+A le Cignal TV nih 6:30pm ah LIVe an thlah lai.

    Australia, Canada, Denmark, Norway, UK, tbk., pawl cu FITE nih LIVE a thlah ve lai.

    Brandon Vera nih hmasa ahcun “round 5 a dih hlan ah ka tei lai” ati nain Japan a phak hnu October 10 ah “round 4 dih hlan ah ka tei lai bia kan kamh hna” ati tthan. A ngamh taktak. Anih hi Aung La nakin a ngan deuh pinah a sang deuh fawn. ONE Championship ah a sung bal lomi le round 1 ah knockout (KO) in mi a tei pengmi ttihnung tuksapur taktak asi.

    The Chin Express group zongah LIVE thlah khawh kan rak i zuam lai. Kan group member lawng nih hmuh khawh asi lai caah kan group ah rak lut (join) cio te uh. Nan hawile zong rak luh cio hna uh.

    Tutan ah Aung La Nsang a sungh cun champion pakhat lawng (ONE Middleweight World Champion) asi cang lai, i Brandon Vera cu Champion 2 (atu lio a ONE Heavyweight Champion le Aung La a chuhmi Light Heavyweight World Champion) asi lai.

    Chinmi cheukhat cu “Aung La nih a taisawm a ven khawhnak dingin thlacam kan hau” a timi zong an um.

    Chinmi nih cun Aung La Nsang an ṭanh dih nain cheukhat nih Aung La Nsang an zumh deuh bantukin Vera a zum deuhmi an um ve. Nang ho dah na zumh deuh rak comment ve te.

    Nawlnak: Kan website chung ca hi website dangah copy piak lo dingin kan in nawl hna.
    Tial Lian Thang
    Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.