16.8 C
Hakha
Wednesday, June 23, 2021
- Advertisement -

Ṭial Tharmi

Aung La: Ṭap Ti Hlah Uh, Taisawm cu Ka Lak Ṭhan Ko Lai

Aung La Nsang nih Kachin pate a ṭah lio video a tar i “Middleweight Champion taisawm cu ka lak ṭhan hrim lai tiah bia kaan kamh hna, cucaah ṭap ti hlah uh” tiin ca a ṭial.

“Ka ngandam ko hih. Ka chungkhar zong an dam lio si. Cun ka team zong nih hnulei in a ṭha bikin an ka bawmh ko.

“Pathian a ṭha! Ṭhawng deuh in kan ra ṭhan lai i mah Middleweight taisawm kha ka lak ṭhan hrim lai tiah bia kaan kamh hna.

“Cucaah ṭap ti hlah uh,” ati.

Aung La Nsang nih a sungh hnu interview ah a chimmi

Aung La nih, “De Ridder he i phomh ṭhan colh silole midang he i phomh hmasa kong cu puai tawlreltu nawl asi ko. Zei dah ka si ti hi tette piahter an ka duh ahcun ka piah khawh ko. Ka fans pawl caah midang he puai tam deuh i ṭhuat hmasa zong cu apoi ka ti lo.

“Singkhaw ṭhan colh zong cu a ṭha ṭhiam ko,” tiah a chim.

“Atu lio cu Light Heavyweight ah i phomh rih loin, middleweight ahhin i phomh rih ka duh. Tu kum dongh hlan ah teinak hmuh ṭhan ka duh.

“Bigdash he zong avoi 3nak i phomh khawh kan si (voi 2 an i phomh cang). Puai dang zong i phomh khawh rih ka si.

“De Ridder singkhaw ṭhan colh hrimhrim a hau tinak si leemlo. Cawlcangh deuh le hliphlau tein um ka duh, i tu kum dongh hlan ah puai 1 tal i phomh ka duh.

“De Ridder nih aa ka rehka ahcun kaa ṭhing kho ngai ko nain hnu cun aa ka rehmi fek tuk i kaa mer kho ti lo. Amah zong tanzaka aa charhchan ve cang tikah a dir tuin ka dir chih nain aa ka rehmi fek lawlaw.

“Hmasa ahcun hnulei ah ka det ko nain sau ka det lo. Sau deuh rak rialchih ding ka si nain a dih ko cang i mu… Ka kengah bag bantukin aa benh i aa benh rih rua lai tiin ka thawh ah aa ka reh diam,” tiah a chim.

“Ka light heavyweight champion taisawm veng in kaa phomh hmasa lai maw ti cu puai tawlreltu nawl asi te ko lai,” tiah a chim.

- Advertisement -

Ṭial Tharmi

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...
- Advertisement -

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

UN Thawngthanh: Malaysia Refugee pawl COVID-19 raikhamsi chunh dingin min pek khawh asi cang

Malaysia um ralzaam le ralzaam-soktu pawl cu COVID-19 raikhamsi i chun dingin min cazin pek khawh asi cang. Raikhamsi chunh a duhmi paoh cu Malaysia...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -