16.4 C
Hakha
Sunday, July 25, 2021
- Advertisement -

Ṭial Tharmi

Aung La: Taisawm Kan Lak Ṭhan Lai

Aung La Nsang nih, “tuzaan cu kan pahnih in teinak kan hmu lo nain, sunghnak chungin kan tho ṭhan ko lai. Tha aa ka petu pakhat cio nan cungah kaa lawm tuk,” tiah Kawlca in a ṭial.

Second 10 video tawite a tar chih i Mirang holh in, “tuzaan cu teinak kan hmu lo nain, sungh caan zongah kan i lawmh awk si ko. Ṭhawng taktak in kan ra ṭhan lai,” tiah a chim.

“Kan ngandam ko, kan dam ko” a ti i a pawngah ṭhumi Martin zonng a langhter. Kan ra ṭhan lai. Nan kan dawt i tha nan kan pek caah kan i lawm,” ati.

Aung La cu biachim aa summi sikaw, “taisawm kan lak ṭhan lai” tiah dengteo in a chim lo nain “kan ra ṭhan lai” a timi hi “taisawm lak ṭhan” kha a chim duhmi si.

Aung La le Martin he team khat a simi Tial Thang zong nih, “kha taisawm pawl kha kan lak ṭhan hna lai” a ti ve.

Tu zaan cu Aung La Nsang he Martin Nguyen he an champion taisawm pakhat veve an sung. Aung La cu a Middleweight World Champion taisawm a sung i Martin cu Featherweight World Champion taisawm a sung.

Nain, annih pahnih cu champion 2 veve ngahmi an si caah champion taisawm 1 veve an ngei rih.

Kan Diriam Cio Lo

Tuzaan an sungh daan cu hohmanh kan lungtling cio lo. Aung La a daithlan tuk ruangah a sung. Martin a lungran tuk ruangah a sung ve.

Aung La nih cun a singkhaw tu Netherlands pa De Ridder a ngamh tuk i daithlang tukin a ṭhuat ruangah Round 5 aa phomh ding an si nain Round 1 dih hlan ah a sung.

Martin zong nih Round 3 ah a singkhaw tu Vietnamese American pa Thanh Le a tei deng i puai piat in tei lawlaw ning tiah lungrang tukin a suai caah a sung ve.

Ruahchannak a um

Tuzaan an sungh ning zoh tikah fimkhur tein um hna sehlaw a sung ding an lolo. Aung La zong nih atu bantukin “ṭhawng deuh in kan ra ṭhan lai” a timi nih a fans vialte ruahchannak tampi a kan pek.

Aung La le Martin nih singkhaw ṭhannak caanṭha ngah colh hraam hna seh.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -