Aung La Nsang nih Kawlrammi sinah thawngthanh

- Advertisement -

Aung La Nsang nih tunnai khan Kawlram a fans pawl sinah thawngthanhnak a tuah.

Aung La Nsang: ONE Championship nih Japan ram ah sunglawi taktak in tuah a timhmi Century puaipi cu October 13 ah tuah si cang lai.

Mah puaipi ahhin Myanmar ram aiawh in keimah le Phoe “Bushido” Thaw kan i ṭhua ve lai. TV ah LIVE zoh in thazaang pek khawh asi lai.

Phoe Thaw cu zingka ah aa phomh lai i Kawlram caan nazi 7am hrawng ah asi te lai.

Keimah ka Light Heavyweight taisawm vennak puai cu zaanlei 5pm in thok asi te lai. Taisawm aa ka singkhaw tu Brandon Vera he kan i phomh hi hnu bik puai ah si te lai.

[5pm in thok ding ahhin puai 6 a um. Aung La vs Vera cu a donghnak bik puai 6nk ah si te lai i Kawlram 7pm (Malaysia le Singapore 8:30pm hrawng) ah ciahte lai. Mah nak tlai deuh zong si te kho. Ramdang LIVE zohnak cu mah hi hmet — The Chin Express]

Tha a kan pe ding kan fans pawl nih Skynet Sports HD, Skynet Sports 3 le MRTV Entertainment channel ah TV in zoh khawh asi lai.

Atu hi Japan ah thlichia a hran liopi si ko nain, ONE Championship nih Century puai cu rak timhcia ning tein a tuah ko lai.

Ka fans nan dihlak cungah kaa lawm, ati.

Brandon Vera hi Aung La nakin a ngan deuh pinah a sang deuh fawn. A mi thongh le chuih hrim a pin tuk. ONE Championship ah a sung bal lomi le knockout (KO) in mi a tei pengmi si caah Aung La cu a sung ko lai, tiah Chinmi tampi nih an zumh. Nang na zumh ning rak comment ve te.

Sawmnak: The Chin Express group zongah LIVE thlah khawh kan rak i zuam te lai. Kan group member lawng nih hmuh khawh asi lai caah Mah Hi Hmet law rak lut (join) ve. Nan hawile zong luh cio hna uh.

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -