Naite ahkhan Myanmar MMA fighter cu training tuah ah US a tlawng nain Aung La Nsang he an i tong kho lo. Mui lang (video call) tu in an i chawn.

“Aung La Nsang cu mi zei he an i tthuat zongah zohkhenh hau lomi a si. A tthabik in aa tthua khomi, mi lungtthawng le mittha a si. Brandon Vera cu a tei lai tiah lungawlttawm lo tein ka zumh,” tiin Phoe Thaw nih a chim.

“Middleweight le Light Heavyweight taisawm a ngeihmi kilven peng zong cu a fawimi thil a si lo. Taisawm i cuh timi cu puai 1 i tthuat in tei ahcun ngah a si ko. Taisawm kilven timi cu a ngeitu thiamnak kha hlat dih hnu ah zuam cawh a si tikah a vengtu caah a har deuh ngai.”

“Aung La cu zeitik paoh ah a tthabik in a ngeihmi taisawm hna cu caan saupi a kilven khawh lai tiah ka zumh ko. Myanmar ram in tuanbia chimtlak pa a si lai tiin ka zumh,” tiah Phoe Thaw nih a chimchap.

Aung La N Sang nih mi a tei ning a mak bikmi 5 VIDEO

Aung La Nsang cu October 13 ahkhin  Japan khualipi Tokyo ah US chuak Filipin pa Brandon Vera he aa phomh ding an si.

Aung La nih, “kan i phomh lai kaa ngaih tuk hringhran. Ka thiamnak piahnak caanṭha tuk ka ngeih caah kaa ngaih tuk,”  a ti.

“Aung La N Sang cu round 5 hlan ah ka tei lai,” tiah Brandon Vera nih a ti ve.

Aung La N Sang nih Japan pa a tei cangka in Brandan Vera nih a singkhaw lio VIDEO

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.