23.7 C
Hakha
Thursday, June 24, 2021
- Advertisement -

Ṭial Tharmi

Aung La Nsang le Vitaly Bigdash cu October thla ah an i phomh cang lai

Coronavirus zawtnak ruangah nicaan thawnmi Aung La Nsang i ONE Middleweight Champion taisawm vennak puai cu a ra laimi October thla ah an tuah lai, tiah Asian MMA nih a ti.

Aung La Nsang cu ONE Middleweight Champion taisawm veng dingin Russia rammi Vitaly Bigdash he i phomh ding an si nain Covid-19 ruangah voi 2 tiang nicaan an thawn cang.

Aung La Nsang le Bigdash puai cu a hramthok ahcun April 10 ah Indonesia ram ah tuah ding a si.

Covid-19 ruangah May 29 ah Philippines ram ah tuah dingin an rak thawn. Nain, Asia ram pawl ah Covid-19 zawtnak a karh chin caah nithla rikhiah ti lo in an ngol beh.

ONE Championship nih Aung La Nsang cu laksawng $50,000 a pek

One Championship nih Covid-19 ruangah ngolmi MMA puai vialte cu July thla thokin mipi tel loin tuah a timh.

“July 31 ahkhin Thailand ram, Bangkok khuapi ah ‘No Surrender’ timi tlangtar in mipi tel loin puai kan tuah lai, tiah ONE nih naite ah a thanh.

Cun, One Championship nih July thla in December zarh 3nak tiang ah MMA puai 17 tuah a timh i Aung La Nasang le Bigdash cu October 25 ah Japan ram ah an i phomh lai, tiah Asian MMA nih a ti.

Atu hi Aung La Nsang cu a taisawm vennak caah America ram, Hard Knoks 365 ah MMA a cinh cuahmah lio a si.

Bigdash zong Thailand ram ah a ummi Phuket Top Team ah a cinh liopi si ve.

Aung La Nsang cu atu lio ONE Championship i Middleweigh le Heavyweigh Champion a si. -7Day Daily

- Advertisement -

Ṭial Tharmi

Malaysia boss pawl nih ‘lockdown donghter cang’ tiin cozah an hal

Kuala Lumpur: Malaysia Rianngeitu Phu (Malaysian Employers Federation - MEF) nih, "Full lockdown (FMCO) hi a rannak in donghter cang," tiin nizaan ah cozah...

Falam ah COVID-19 in minung 1 a thi chap

Zahan zaan suimilam 8 hrawngah Matubuk sang um Salai Lal Tha Eng, kum 25 cu COVID-19 zawtnak in an inn ah a nunnak liam....

COVID-19 ruangah kharmi Paletwa sianginn an on ṭhan cang hna

Chin state, Paletwa peng sianginn pawl cu COVID-19 zawtnak an hmuh caah an khar hna nain tuni June 23 ah an on ṭhan cang...
- Advertisement -

Malaysia rammi nih ‘refugee hi hmun dangah umter hna uh’ tiin cozah an hal

Malaysia Ramchung Vuanci Pu Hamzah Zainudin nih, "UNHCR card aa tlaihmi pawl hi hmun dangte ah anmah lawngin umter hna uh tiin kan rammi...

CRC Malaysia: Covid Raikham Sii Chunhnak Minpeknak Theihternak

Malaysia um Chin miphun hawikom dawt hna Covid raikham sii chunhnak kong he pehtlai in theither kan in duhmi hna cu nan mah le...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -