Aung La Nsang: Keimah le keimah sayaci ah i ruah awk a tha lo

Aung La Nsang

“Pehzulh in puai ah teinak ka hmuh ahcun vawlei cungah a thiambik middleweigh ka si lai tiah ka zumh. Cu bantuk dirhmun sinak dingah, keimah lei in i zuam a biapi tuk. I toidor a hau. Keimah le keimah kha sayaci ah i ruah awk a ttha lo. Toidornak le zuamnak lungthin ka ngeih peng a hau” tiah Aung La Nsang nih BBC Burmese sinah a chim.

“Brandon Vera he kan i tthuat hi ring chung kaa thuatmi vialte lak ah a harbik pakhat a si. Amah he kan i phomh hlan i training ka tuah cu a har taktak.”

“Keimah nakin a ngan deuhmi he training kan tuah. Cheukhat ni ahcun training ka tuah pah hna in ka ttap. Fak tuk in ka cinhnak ah a fak tuk i ka mitthli tiang a chuak.”

Pi Aung San Suu Kyi le Aung La Nsang chungkhar an i tong
Aung La Nsang chungkhar le Pi Aung San Suu Kyi Japan ram ah an i ton lio

“Vera he i phomhnak ding caah fak tuk in fahnak ka ing. Timhtuahnak hi a biapi tuk. Zeithil paoh hi zeitluk a har zongah timhtuahnak a tthat ahcun teinak hmuh a si ko.”

“Atu zongin tampi kaa zuam rih lai. Ka thiam khunmi a um i, ka tha dernak a um. Ka tha dernak (ka chanbaunak) a um tuknak hnga lo kaa zuam rih lai,” tiah Aung La Nsang nih a chimchap.

October 13, 2019 i Japan ram, Tokyo khuapi um Ryogoku Kokugikan certual ah tuahmi MMA zuamnak puai ah Kachin miphun Aung La Nsang nih Brandon Vera cu round 2 ah puai piat bakin a tei.

Kum 34 simi Aung La Nsang cu MMA zuamnak ah puai 36 aa zuam cang i puai 26 teinak a hmu. Puai 10 a sung. Atu lio ahcun MMA (ONE Championship) ah Light Heavyweigh le Middleweigh Champion a si

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.