Aung La le Bigdash cu April thla ah an i phomh tthan lai

ONE Light Heavyweight champion simi Aung La Nsang cu a ra laimi April 14 ah Vitaly Bigdash he i phomh ding an si.

Aung La Nsang le Russia rammi Vitaly Bigdash cu voi 2 an i phomh cang i voi 1 veve an i tei. Atu tan he cun voi 3nk an i phomh si lai.

ONE Championship ngeitu Chatri Sityodtong nih, “US ummi nih TNT ah ONE Championship zoh khawh si cang lai.

“US TV nih a zohtu an tambik caan 7pm-11pm E/P time ah Asia sports live a thlah bal lo. ONE Championship hi pakhatnak bik si lai,” tiah thawng a thanh.

Aung La Nsang cu a luancia 2017 thok inkhan ONE Middleweight Champion taisawm cu voi 3 a kilven khawh nain ni kum ahkhan Reinier De Ridder nih a chuh.

Aung La Nsang nih ONE Middleweigh champion taisawm ngeitu De Ridder cu ‘Ka taisawm ka lak tthan lai’ ttin ralrin a pek.

ONE Championship nih Aung La Nsang cu 2020 chung ahkhan Bigdash he phomhter a timh hna nain voi 2 tiang a let tthan hnu ah De Ridder he tu a rak phomh ter hna.

Aung La Nsang cu atu lio ah ONE Light Heavyweight Champion a si.

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih. Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh. "Missile kahnak seh kan remh...