15.9 C
Hakha
Thursday, September 23, 2021
- Advertisement -

Ṭial Tharmi

Aung La le Bigdash cu April thla ah an i phomh tthan lai

ONE Light Heavyweight champion simi Aung La Nsang cu a ra laimi April 14 ah Vitaly Bigdash he i phomh ding an si.

Aung La Nsang le Russia rammi Vitaly Bigdash cu voi 2 an i phomh cang i voi 1 veve an i tei. Atu tan he cun voi 3nk an i phomh si lai.

ONE Championship ngeitu Chatri Sityodtong nih, “US ummi nih TNT ah ONE Championship zoh khawh si cang lai.

“US TV nih a zohtu an tambik caan 7pm-11pm E/P time ah Asia sports live a thlah bal lo. ONE Championship hi pakhatnak bik si lai,” tiah thawng a thanh.

Aung La Nsang cu a luancia 2017 thok inkhan ONE Middleweight Champion taisawm cu voi 3 a kilven khawh nain ni kum ahkhan Reinier De Ridder nih a chuh.

Aung La Nsang nih ONE Middleweigh champion taisawm ngeitu De Ridder cu ‘Ka taisawm ka lak tthan lai’ ttin ralrin a pek.

ONE Championship nih Aung La Nsang cu 2020 chung ahkhan Bigdash he phomhter a timh hna nain voi 2 tiang a let tthan hnu ah De Ridder he tu a rak phomh ter hna.

Aung La Nsang cu atu lio ah ONE Light Heavyweight Champion a si.

- Advertisement -

- Advertisement -

Rel Bikmi

Subscribe to The Chin Express Youtube

The Chin Express nih interview kan tuahmi hna le video thar kan tarmi pawl zoh lengmang na duh ahcun kan Youtube channel ah Subscribe tuah ve.

- Advertisement -