Aung La: Brandon Vera a ngan deuhmi hi a biapi si lo

98,773FansLike
51FollowersFollow

Middleweight le Light Heavyweight champion 2 bak a simi Aung La N Sang nih amah nakin ngan deuhmi US chuak Filipin pa Brandon Vera phomh ding cu a ṭih naisai lo.

October 13 ah Japan khualipi Tokyo ah a phomh ding pa hi amah nakin ngan deuh pinah a ṭhuatmi vialte round 1 ah cawl kho lo (KO) in a tei pengmi Heavyweight champion bak asi, nain kum 34 Kachin pa Aung La cu aa zum ngai ko.

Aung La nih, “kan i phomh lai kaa ngaih tuk hringhran. Ka thiamnak piahnak caanṭha tuk ka ngeih caah kaa ngaih tuk,” tiah a chim.

“Anih cu Light Heavyweight ah i ṭhua ding cun a ngan deuh caah aa zaanter (der ter) deuh a hau lai cu mu. Keimah zong middleweight i ṭhua ding ahcun ka ngan deuh caah tlawmpal kaa zaanter deuh peng i light heavyweight ahcun ka khing hi a za bakte si i ṭhawnnak ding tu hi usa ka pe deuh.

Aung La N Sang nih mi a tei ning a mak bikmi 5 VIDEO

“Keimah nakin a ngan deuh caah atu hi Brandon Vera nakin a ngan deuhmi, a sang deuhmi le a rit deuhmi pawl he ka cinh cuahmah lio si.

“I phomh zaan kan phak tik ahcun a ngan deuhmi le a thazaang ṭhawn deuhmi kongah phan awk um ti lai lo.

“Liamcia kum 5 chungah Brandon Vera aa ṭhuatmi nakin liamcia kum 2 chungah keimah kaa ṭhuatmi a tam deuh. World champions voi 6 bak kai ṭhua i Japan bual zongah kaa phomh cang. Cucaah amah nakin keimah hi ka siarem deuhte lai tiah ka zumh.

“Brandon Vera cu a mi thongh le chuih a pinh tuk pinah Greco-Roman paih zong a thiam taktakmi si caah tlaih in tengh, bual vampang ah tengh rialchih in phomh le kutke ṭhuat theng loin tlaih deuh in aa ka zuanh te khawh men tiah kaa tingring ngai ko.

“Brandon Vera a ṭhawn tukmi le a mi thongh le chuih a pinh tukmi cu ho paoh nih an hngalh dih, nain kei cu mi lungṭhawng taktak ka si i thinlung in aa ṭhua pengmi ka si. Zei tik hmanh ah a sungkhan ka duh lo. A tuah khawhmi paoh in ka tuah seh, ka ṭhuat peng ve lai i ka tei beh ko lai.

“Round 5 dih tiang kan i ṭhua lai ka zum lo. Puai caan a dih hlan ah KO lole TKO in a dih te lai ti ka zumh. Fak taktak in aa ka phomh khawh dah ti lo cun puai dongh tiang kan i phomh zongah a sung ko lai. Kei cu i phomh tikah thluak hman ka thiam, cun saupi kaa ṭhua kho.

“Brandon Vera he kan i phomh ding hi MMA ka phomhmi vialte lakah a pical bik si lai,” tiah Aung La N Sang nih a chim.

Aung La nih a tei lai ti na zum maw? Na ruahnak comment ve.

Brandon Vera: Aung La N Sang cu round 5 hlan ah ka tei lai

Charhchan: One Championship

Ṭial Tharmi

US Kawlram nu Su Hliang cu a ruak in an hmuh

US ram, Oklahoma khuapi um kum 16 Myanmar nu Su Hliang cu ni 2 chung a tlau hnu ah a ruak in...
Abiy Ahmed

Ethiopia PM Abiy Ahmed nih 2019 Nobel Peace Prize a ngah

2019 Nobel Peace Prize cu Ethiopia Prime Minister Abiy Ahmed an pek. "Daihnak lenter dingin le ramdang he i bawmh aa zuammi"...
Nilen Parmawi hla thar 'Min Sung Bik' a chuak cang

Nilen Parmawi hla thar ‘Min Sung Bik’ a chuak cang

Hlasak thiam Nilen Parmawi nih tuni ahkhan Pathian thangthatnak hla 'Min Sung Bik' aa chuah i a tanglei bantuk in ca a...

Hakha ah 4-star hotel pathum an sak lai

Chin state ah a um bal rih lomi 4-star level hotel pathum (3) sak dingin company le Chin state cozah nih lungtlinnak...
Conor McGregor cu biaceih zung a phan

Conor McGregor cu biaceih zung a phan

UFC fighter Conor McGregor cu Republic of Ireland ram, Dublin peng ah a ummi zuu dawr ah mipa pakhat a rak thongh...
Lianhttps://www.thechinexpress.info
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial.

US Kawlram nu Su Hliang cu a ruak in an hmuh

US ram, Oklahoma khuapi um kum 16 Myanmar nu Su Hliang cu ni 2 chung a tlau hnu ah a ruak in...

Ethiopia PM Abiy Ahmed nih 2019 Nobel Peace Prize a ngah

2019 Nobel Peace Prize cu Ethiopia Prime Minister Abiy Ahmed an pek. "Daihnak lenter dingin le ramdang he i bawmh aa zuammi"...

Nilen Parmawi hla thar ‘Min Sung Bik’ a chuak cang

Hlasak thiam Nilen Parmawi nih tuni ahkhan Pathian thangthatnak hla 'Min Sung Bik' aa chuah i a tanglei bantuk in ca a...