Atu Lio Chin Ralzaam Kan Dirhmun le Chin Mipi Nih Theih Ding

Atu Lio Chin Ralzaam Kan Dirhmun le Chin Mipi Nih Theih Ding

1) Chinmi kan dihlak Refugee/ralzaam kan qualify dih (Kawlram i ramleng a zammi vialte).

2) Chin ralzaam hna caah aphi (long-term solution) kawl tikah:

(i) Myanmar ram ah mah lungtho tein kir tthan ding,

(ii) Ram 2nak e.g. Malaysia, India, tbk. ah um thai ding, le

(iii) Ram thumnak (3rd country resettlement) ah kuat ding, ti hna hi an si.

Nain, (i) le (ii) hi cu an si khawh rih lo caah, Chin ralzaam caah a taangmi aphi taktak cu ram thumnak kal (iii) hi a si ko, timi hi atu kan dirhmun a si.

Hi points 3 hi kum 1990 hrawngin kan rak dirhpi, kan rak aupi i, atu zong vawlei pumpi ah kan rak aupi cuahmahmi le kan dirpi zungzalmi a si.

Atu hnu zong ah kan dirhmun, kan aupi ding thil a si (2008 Phunghrampi an thlen hlan lo poah kan aupi peng lai).

Chinmi nih kan hmailei (future) kong kanmah tein kan tuaktak khawh, kan ruah khawh a biapi ngaingai. Kanmah kong cu kanmah nih kan i ruah ding a si. Kan hmailei kong zong kanmah kut ah a um a hau. Midang cu a kan bawm sawhsawh tu lawng an si, timi hi philh hlah usih.

Ram thumnak kal khawhnak caah fak piin rian kan ttuan colh lai, abikin USA, Canada, EU, Australia le New Zealand ram hna ah fakpi in kan chimrel lai.

Vawlei cung ram kip um Chin Khrihfabu le Chin Community hna zong nih Malaysia le India ah a taang rihmi Chin ralzaam 40,000 renglo hna caah i bawm cio dingin ICC nih nawl a si.

Cattialtu: Salai Elaisa Vahnie

Be the first to comment

Leave a Reply

Your email address will not be published.


*