6.4 C
Hakha
Tuesday, December 10, 2019
More

    Atu lio ah soisel a tong ngaimi ‘Ko Yay Bar Tway Lae’ MTV

    Follow Us

    99,419FansLike
    254SubscribersSubscribe

    Ṭial Tharmi

    - Advertisement -

    Myanmar actor Min Hein le Shu Ma Nyee cu ‘Ko Yay Bar Tway Lae’ timi video hla ah lemcang an ttuan i a hramthok in a dongh tiang i hnamh le horduhcuai phun lawngte a si caah mipi nih an soisel ngai hna.

    “An umtuning hi an luantuk. An hla zong ttha lo. A aw zong ttha lo. Hitin an i thlak awk si lo, fihnung tuk” tiah model May Pachi nih a chim.

    “Ka u (Shu Ma Nyee) a tthabik in kaa zuam mi a si na timi hi kan zumh ko. Aho hmanh fahnak na pe hna lo ka ti ko nain kum tlinglo ngakchia nih an zoh ahcun a ttha tilo. Ngakchia zong na si ti lo. Mah hmanh ahcun video tanmi tampi um rih na ti” tiah May Pachi nih a Facebook Timeline ah a ttial.

    “Ko Yay Bar Tway Lae cu 18+ music video si ko. Keimah tu nih cun ka rian si bantuk in ka cohlanmi a si. Kan i thlakni le video a tarni hi aa neih tuk. Online ah video a tar hlan ahkhan kum 18 cung lawng nih zoh ding timi ralrin hmelchunhnak chiah chih ah a ttha lai tiin ruahnak ka pek ko. Nain, zeihmanh chiah lo in a tar. Mah tikah, upa lawng siloin ngakchia zong nih an zoh i a ttha lo ngai” tiah actor Min Hein nih a chim.

    “Fihnung i a dongh tiang zong ka zoh ngamlo. MTV i thlak loin apiaka lawlaw nan i thlak kho lo” tiah facebook ah pakhat nih a comment.

    “Na min kha Shu Ma Nyee in Bu Ma Nyee ah naa thlen awk a si” tiah pakhat nih a comment ve.

    “Kan ram cu sipuazi lei ah a tthancho bantuk in hi bantuk lei ahhin kan tthangcho ngai” tiah pakhat nih a ti ve.

    Nawlnak: Kan website chung ca hi website dangah copy piak lo dingin kan in nawl hna.
    Hniang Zi
    Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.