Atu lio a lar takmi Bae Suzy le Lee Seung Gi thlakmi ‘Vagabond’ Drama

- Advertisement -

South Korea actor Lee Seung Gi le actress Bae Suzy thlakmi drama ‘Vagabond’ cu September 20 inkhan TV ah an thlah cang i mipi nih an uar taktak.

Vagabond drama ahcun mirum nih eihmur duh ah vanlawng pakhat bomb an puah i aa citmi khualtlawng 200 leng an thi. Mah ahcun Lee Seung Gi cu a lungkhong ngaimi Cha Dal-geon timi pa in lemcang a ttuan i vanlawng bomb puah in a thimi lak ah a dawt tukmi a tu pate aa tel. A lungfah tuk caah thil dik langhter dingin a nunnak thap in aa zuam.

Cun, Bae Suzy cu Go Hae-ri timi nu in lemcang a ttuan. An nih cu National Intelligence Service ah rianttuanmi a si.

Vagabond cu action deuh a si tikah Lee Seung Gi le Bae Suzy cu a hlankan in thla 2-3 chung timhtuannak tampi an ngei.

“Martial art phun tampi ka cawng. Secret agent in lemcang ka ttuan tikah meithal kah, mi chuih tbk kha ka cawng,” tiah Bae Suzy nih a chim.

“Kan pahnih in action sianginn ah thla 3 hrawng kan cawng. Martial airt phun tampi kan cawng. Kei hi drama chung tlik a tam ngai caah a herh ningin ka tlik khawhnak hnga biatak tein kaa zuam,” tiah Lee Seung Gi nih a chim.

Lee Seung Gi le Bae Suzy cu 2013 ahkhan ‘Gu Family Book’ timi drama an rak i thla tti bal cang.

“Suzy nih Vagabond drama thlak dingin a cohlan lio ahhin keimah le producer pawl cu kan i lawm tuk. Aa thei hngal cia kan si tikah zeipaoh te a tluang khun,” tiah Lee Seung Gi nih a chimchap.

“Drama thlak ah Morocco ram ah thla 1 le cheu dengmang kan um. A hramthok ahcun a har ngai. Kaa ziak lo nain, a hmun ah rawl hna kan ei, khua kan sa tik ah a hnu ahcun kaa ziak tthan ko,” tiah Suzy nih a chim ve.

Vagabond drama cu Netflix ah zoh khawh a si.

Ṭial Tharmi

Kalaymyo ah Quarantine lutmi minung 7 tazacuai an tong

Sagaing ramtthen, Kalaymyo ah Quarantine Center ah a lutmi minung 7 cu zuu an ding i sianginn kutka an hrawh caah ram...

Malaysia Covid-19 mizaw thar 95, a thimi 1

Tuni September 18 ah Malaysia ram ah Covid-19 mizaw 95 an hmuhchap hna i zawtnak ngei hmuhmi dihlak 10,147 an si cang.

Pastor Te Soiselnak Sawhsawh a Lo Nain | Salai Bawi Lian Mang

BIA KAA-KHAT | By Salai Bawi Lian Mang (Note: Mah ca hi 2005 May thla ah Lai Forum ah...

Nazareth Khua ah Minung 2 Meithal Kah in an Thi

Judah (Israel) ram Nazareth khua ah zahan zaan ah meithal kahnak a chuak i pa pahnih an thi, tiah Israel media pawl...
- Advertisement -