An i hnamh lio ah hlei cungin an tla i an thi

Peru ram ah aa duhmi nungakthlangval khuahkhat hna cu hlei cung i an i hnamh lio ah an pahnih in an tla i an thi.

A thimi 2 hi Maybeth Espinoz le Hector Vidal an si i kan hnu zarh ahkhan Cusco khua i nightclub pakhat in inn an ttin pah ah pe 50 a sangmi Bethalehem hlei cung in an tla.

An tlak lio cu CCTV nih a thlak hna i online ah an hun tar.

Maybeth le Hector cu nightclub in an ttin pah ah hlei cung ah an i kup, an i hnam. Maybeth (kum 34) cu thir tlang cung ah a tthu i a ke in Hector (kum 36) cu a ceh.

Mah ahcun Maybeth nih Hector cu a lerh deuh caah hnulei ah tlak aa tim. Hlei cung tla lo dingin an pahnih in an i zuam len ko nain an i tlaih manh lo.

Maybeth cu a hmun ah a thi colh. Hector cu a luruh kuai i sizung phan, a hnu ah a thi ve.

Maybeth le Hector cu tlangkai thiam an si. Khualtlawng lam hruai (tour guide) rianttuan dingin Cusco khua ah an rak i tthial. – Daily Mail

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.