Myanmar’s Got Talent 2018 winner a rak ngahtu Junior Creative cu Nihnihni (US caan) ahkhan ‘America’s Got Talent: The Champions’ Season 2 ah an i zuam ve.
Kawlram chung ral ruangah chungkhar i tthennak kong he aa pehtlaimi thlapale lam (Shadow Art) in an i zuam i mipi thinlung an lak ngaingai. An tih ngaimi Simon Cowell zong nih a thangthat hna.
Nain, Semi-Final thimnak ah an tla.
Junior Creative an tlakmi cu mi tampi nih biakhiaktu Howie Mandel an mawhchiat. Semifinal kai dingah AGT biakhiaktu 4 nih Junior Creative, Jack Vidgen (Australia’s Got Talent winner) le Hans (AGT aa zuam balmi) chungah 1 thim ding a si.
Heidi Klum nih Hans a thim. Alesha Dixon nih Junior Creative le Simon Cowell nih Jack Vidgen an thim. Howie Mandel nih Hans a thim ve caah mipi nih an uar ngaimi Junior Creative cu a tla.
Junior Creative cu Asia’s Got Talent zong ah i zuam rih dingin timhlamhnak an ngei.
“Tampi kan i zuam rih lai, Myanmar ram a cawisangtu si kan i zuam lai” tiah Junior Creative nih an ti.
