American Hlasa Minthang Aretha Franklin Cu Kum 76 Ah A Thi

American Hlasa Minthang Aretha Franklin Cu Kum 76 Ah A Thi

Vawlei mipi nih Queen Of Soul an timi American hlasa minthang Aretha Franklin (kum 76) cu August 16 ah a thi. Annih hi a dam lonak a sau cang nain mipi a theihter hna lo ti a si.

Aretha Franklin nih a zawtnak kong hi a chim bal lo. 2010 inkhan cancer zawtnak ka rak ngei i hlasak in kaa din cang tiin 2017 kum dongh lei lawngah a rak chim.

Aretha Franklin hi kum 1992 ah kuakzuk a rak i phiat, mah hnu cun dam lo aa thok hi a si i 2018, August 16 (nizaan) ah a thi. A zawt chung ahhin a der tuk caan le a thau tuk caan a um ti a si.

Aretha Franklin nih a chan chungah Grammy laksawng voi 18 a co pinah a hla pawl hi Billboad 100 ah voi tampi an i tel.

“American mipi nih kan rak tonmi thil vialte cu Aretha nih a kan fianter. Kan tuanbia le kan sining vialte – kan tthawnnak le kan dernak, kan hlawhtlinnak le upat kan conak vialte¬†kha a aw nih a kan theihter. Queen of Soul, zungzal daihnak ah i din ai kun law,” tiah US President hlun Obama nih Twitter ah a ttial.

Be the first to comment

Leave a Reply

Your email address will not be published.


*