Kawlram hlasa minthang Kachin miphun Ah Moon le a tlangval ramdang pa cu tuni ah hamnak puai an tuah.

“Tuni ah ka dawtmi ka chungkhar le kan pastor te hmai ah ka tlangval pa cu kan nunphung bangin Kachin min ‘Zau Lawn Lahtaw’ pek a si cang. 2020 dongh lei ah tthitum puai cu kan tuah te lai. Thawng fiang deuh in kan thanh tthan te lai,” tiah Ah Moon nih a Facebook cahmai ah a ttial.

Ah Moon le a tlangval pa hi an i duhnak kum 4 leng a si cang. 2019 August thla ahkhan an i duh kum 4 tlin a si i a tlangval pa nih Ah Moon cu vat dingin a rak hal.

Ah Moon cu Yangon University Of Foreign Languages ah Russia holh in degree a la mi a si, holh phun 5 a thiam.

Cun, 2010 ah dirhmi The Tiger Girls band chungtel pakhat a si. 2011 ah The Tiger Girls cu Me N Ma Girls tiin min an thlen.

2014 ah Ah Moon cu amah tein cawlcangh hram aa thok i ‘Min Pay Tae A Chit’ timi hla aa chuah i Mirang le Kawl in a sak.

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.