Zarhpini ahkhan Afghanistan khualipi Kabul mipi 600 leng cu US ralkap vanlawng in Qatar ram ah an zaam.
Zarhpini ah Taliban tapung nih Afghanistan khualipi Kabul an tuk lak caah an ram president Ghani zong a zaam cang.
Kabul khuami tampi cu Taliban tapung ṭih in nunnak kawl in US ralkap sinah an zaam.
US ralkap vanlawng C-17 chungah Kabul khuami 600 leng bak tet taktak in an lut.
C-17 vanlawng cu US ralkap thilri phorhnak vanlawng asi i hi zatzat minung phorhnak caah tuahmi asi lo.
“Ralzaam pawl hramhram in ṭumter cu kan lungṭhat lo caah an dihlak in Qatar ram ah kan zuanpi lawlaw hna,” tiah US Ralkap nih thilsining a chim.
