Adele cu fa 1 ngeimi pa he an i duh

Adele tlangval thar a ngei

Mirang hlasa minthang Adele cu a va he an i tthen hnu in Mirang rapper le MC simi Skepta he an i duh tiin thawngpang a leng.

Adele (kum 31) cu naite ahkhan London khuapi ah Skepta kum 37 a tlin chuahni camtuak a lawmhpi.

“Adele le Skepta cu an chungkhar he an i tthen veve hnu in khat le khat an i umpi kho ngai. An pahnih kar lak ah pehtlaihnak cu a um hrimhrim. An um tti caan a tam tuk,” tiah anmah he neihnam simi nih a chim.

Simon Konecki le Adele

“Adele nih ca a ka kuat zungzal. Ka thawngpang a ka hal i thil sining zong a ka chimh lengmang,” tiah Skepta nih 2016 ahkhan ES magazine ah a rak chim bal.

Adele zong nih mah kum ahkhan Instagram ah Skepta hmanthlak a tar i heart emoji a telh chih.

Skepta nungak hlun Naomi Campbell

Skepta cu supermodel Naomi Campbell he ni kum ahkhan an rak piat, fa nute River an ngeih.

Adele zong a va Simon Konecki he 2011 ah an rak i um i 2016, April ah an i tthen. Fapa 1 an ngeih i tu thla ahkhan a fapa cu kum 7 a tling. – The Sun

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.