ACR Chairman nih Hitin UNHCR Kong a Chim

- Advertisement -

The Chin Express le Malaysia Chin refugee bu vialte lakah a minthang bikmi Alliance of Chin Refugees (ACR) Chairman James Bawi Thang Bik tonbiaruahnak kan ngei kho. A chimmi pawl an biapi taktak.

2013 Card/Catlap Chuh Cangmi Kong

ACR Chairman nih, “2013 UNHCR card/catlap chuh cangmi pawl cu UNHCR card/catlap a ngei rihmi a nupi/va nih a benh khawh,” tiah a chim.

“Benhtu (nupi/va) a ngei lomi single pawl caah ruahchannak a um ti maw ti cu chim a har ngai. UNHCR Malaysia lutlai Thomas nih cun nawlnak ca an ṭialmi pawl kha kan zohpiak ṭhan te hna lai a rak ti nain COVID-19 lockdown chungah UNHCR he meeting kan tuah ṭhan tikah lutlai changtu nih ‘chuh cangmi cu ruahchannak a um ti lo, a dih ko cang’ ati. Nain ralzaam upa pawl nih cun zohpiak ṭhan dingin kan hal peng ko lai,” ati.

ACR Chairman James Bawi Thang Bik

Aa Ṭhium Kami i Benhnak Kong

“UNHCR card/catlap a ngeimi nu/pa nih UNHCR card a ngei bal lomi pa/nu a vat/ṭhit ahcun benh khawh asi ko,” ati. — CRC le ACR ah caṭial ter khawh asi pinah UNHCR website refugeemalaysia.org zongah mah tein benh khawh asi.

2009 card le 2013 catlap aa tlaihmi nuva card fonh kong

“Fonh khawh asi. Nuva card number aa khat lomi nan um ahcun CRC le ACR zungah caṭial ter khawh asi. UNHCR sinah fonh dingin ca kan in ṭialpiak hna lai,” ati.

UNHCR card a ngah bal rih lomi mithar kong

“UNHCR card a ngah bal rih lomi mithar paoh nih UNHCR website refugeemalaysia.org ah sok khawh asi. Daithlang bak hlah uh, sok cio uh.

“UNHCR Malaysia lutlai Thomas nih a sokmi paoh cu kan auh dih ko hna lai. Atu cu UNHCR rianṭuantu kan i phakzawh rih lo caah asi ati,” tiah ACR Chairman nih a chim.

2013 Catlap pawl Card in Thlenpiak Kong

“Thomas nih 2013 catlap aa tlaihmi paoh cu kum 2023 hlan ah card in kan thlenpiak dih ko hna lai ati.

“Mah hi cu nanmah chim hmanh a hau lo. Palek zong nih nan catlap check a har tuk, card in thlenpiak hna uh a kan ti lengmang caah thlenpiak kan timh ko hna.

“Cun, ruahpi a sur tikah catlap cu a sinpi lo tuk ti zong ka theih tuk ko. Kan thlenpiak te ko hna lai ati,” tiah a chim.

2013 Catlap aa Tlaihmi Pawl caah Ram Thumnak Kal Ruahchan awk Um Maw, 2022 tiang catlap a kan pekmi hi nan zuam tiang um ulaw nan zuam ti lo hnu ah Kawlram kir te uh tinak asi maw?

ACR Chairman nih, “nan zuam chung um law nan zuam ti lo hnu ah kir te uh tinak cu asi lai lo tiin ka ruah. UNHCR hi an i phanzo lo taktak khi si, mah ruang cun asi bik tiin ka ruah. Ram thumnak kan kal kho te lai maw timi kong ahcun pumpak case cungah aa hngat. 2013 Catlap pawl hi RSD interview auh dih an si te lai i a aungmi paoh cu ram thumnak ah case kuat piak dih an si te ko lai,” tiah a chim.

A tang ViDEO ah tling tein zoh khawh asi. A chimmi pawl hi SHARE phu taktak an si tiah kan ruah, na ruah ve ahcun rak SHARE ve.

ACR Chairman cu Malaysia Chin refugee kong paohpaoh ah ramdang media nih an ton pengmi asi pinah Facebook ah UNHCR le refugee kong thawng a thanh kho bikmi asi. Chin refugee bu vialte lakah ACR lawng hi sianginn zong a ngeimi asi, siangngakchia 264 le saya/ma 9 a ngei. Free clinic zong a ngei. Atang video ah tling tein zoh ve.

Follow US

102,149FansLike
53FollowersFollow
731SubscribersSubscribe

Ṭial Tharmi

Hakha University ah ni 14 chung khumherhmi minung 12 cu an ttinter cang hna

Chin state Covid-19 dohnak bu hruainak in Hakha khua chungah a rak lutmi paoh cu Hakha University ah ni 14 chung khumherh...

Malaysia biaceih zung nih kum 5 a fa pate a that tu nu le a tlangval pa thihdan a pek hna

Tuni ah Penang High Court nih kum 5 a fa pate a rak thattu hringtu nu le a tlangval pa cu hri...

Myanmar National Team ah ai tel mi Valte

Valte hi Kalymyo um Falam mi a si. 2010 kum ah Kalaymyo certual ah kan i hmu. Cu...

Thantlang ah bomb a puak

Thantlang khua, No (1) sang i sizung lam ah a ummi U Kyaw Min Htet a umnak inn ah September 20 zaan...
- Advertisement -