12.9 C
Hakha
Friday, March 5, 2021

Malaysia COVID-19

Malaysia
310,097
A zawmi
Updated on March 5, 2021 1:54 pm
Malaysia
1,159
A thimi
Updated on March 5, 2021 1:54 pm
Malaysia
286,904
A dammi
Updated on March 5, 2021 1:54 pm

AA Ralkap nih Chin Nu Tlaihhrem An Timh i Khuami An Velh Hna

Advertisement

Rakhine hriamtlai AA ralkap pawl nih kan hnu zarh Nithumni ah Chin state Paletwa peng Kye Lei khuate ah Chin nu tlaihhrem an timh i a nulepa le khuami an velh hna.

“AA ralkap nih Chin nu tlaihhremh an timh. A nulepa nih an kham hna i an velh hna. Khua upa pawl zong an velh hna,” tiah Khumi Affair Coordination Council an director Pu Saw Mya nih a chim.

Khua mino tampi cu AA ralkap pawl nih dantat in Kaladan Tiva kam nilin lakah dan pho hna.

“Hlan ahcun khuami pawl cu hramhram in facang an phorhter hna i damaih ṭaih in an angki le bawngbi an chuh tawn hna. Tutan cu, AA ralkap pawl an luan tuk cang,” tiah U Saw Mya nih a chim.

AA ralkap pawl nih khuami cu ‘mah kong hi mi sin chim hlah uh, nan chim cun a theipar nan zun lai’ tiah an tlerh hna.

Zarhpini ah, AA biachimtu nih, “kan ralkap pawl nih Chin nu tlaihhrem an tim lo,” tiin aa pheh. “Nain khuami cu an velh tak ko hna, i kan ralkap pawl cu a theipar zunter an si lai,” tiah khuami an velhmi hna cu aa cohlan.

Se Pha Laung khuate sianginn ah ca a chimmi Chinmi pakhat le cuka khua um Rakhine mi pakhat zong AA nih January 7 ah an fir hna i an thah hna, tiah Khumi Affairs Coordination Council nih cathanh a chuah.

AA biachimtu U Khaing Thukha nih, “charhchan ngei loin a kan puhmi si. Kan tuah lo. An chimmi khua tham cu Paletwa peng i cozah ralkap Light Infantry Battalion 289 hnu ah a ummi si. Mah tluk security a chahnak hmun ahcun kan tlai kho hna naisai hna lai lo,” tiah a chim.

Khumi council cathanh nih, naite zongah AA nih Paletwa peng Chin cachim pakhat an tlaih, ati.

Chin state cozah biachimtu U Soe Htet (Paletwa peng asi vemi) nih, “Paletwa peng a him lo ruangah sianginn 212 cu a thlathla in kan khar cang hna,” tiah a chim.

Khumi council cathanh nih, AA le cozah ralkap ral kar ah a ummi nu pawl pamhhaih le Chin khuami hrem cu fakpi in a mawhchiat. AA he ralkap he cu bantuk a tuahmi nan minung pawl cu a theipar zunter hna uh, ati. — The Irrawaddy

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
116,340,241
A zawmi
Updated on March 5, 2021 1:54 pm
Vawleipumpi
2,583,666
A thimi
Updated on March 5, 2021 1:54 pm
Vawleipumpi
91,960,240
A dammi
Updated on March 5, 2021 1:54 pm
- Advertisement -