AA: Kawl Ralkap he zeitik paoh ah aa kap kho kan si caah mipi ralring tein um uh

- Advertisement -

Rakhine hriamtlai phu AA (ULA) nih, “Kawl Ralkap (SAC) pawl an ninghngal chin lengmang caah zei tik paoh ah aa kap kho kan si cang i mipi ralring tein um uh,” tiin Rakhine mipi ralrin peknak cathanh a chuah.

AA nih, “Nai hrawng cu Kawl Ralkap pawl hi khuate ah kal in ralkap cawlcanghnak an tuah, cun khatlei in khatlei ah ralkap an kuat lengmangmi hna zong hi kan ngiat ko hna.

“Cucaah, zei tik paoh ah aa kap khomi kan si cang i ral a tho kho tiin mipi ralring tein um uh.

AA ralkap hi thong 6 in 10 kar hrawng an si lai, tiah zumh asi. Kawlram hiamtlai phu nganbik (ṭhawgbik) ah an i tel ve. An thazaang (ralkap milu) le an hriamnam hi CNF he cun van le vawlei bantukin aa thlau.

“Sandaw Shi Pura puai tuahnak caah lam kan remh lai tiin Kawl Ralkap pawl an hung luh peng rih ahcun Pura Puai ah kal aa timmi mipi ralring tein um uh.

“Cun, Kawl Ralkap (SAC) cu khuate pawl ah lut in khuami rawl an ei piak hna, an chuh hna i an i kalpi. Khuami pawcawmnak rawl le thilri phorh an phih hna.

“Hi bantuk huatnak a chuah tertu tuahsernak pawl an tuah lengmang caah kan karlak i entainak an linhsat ter chinchin i zei tik paoh ah aa kap khomi dirhmun kan phan cang,” ati.

Lian
Lianhttps://www.thechinexpress.com
Lian cu Seihnam Journal ah Editor-in-chief a rak ṭuan. UNHCR zung i RSC department ah kum 4 chung holhlet le calet a ṭuan pah in Faiceu Journal ah 'editor' in a rak bawm pah hna. 2016 ah The Chin Express a dirh i ni fatin Chin thawngpang le vawlei cung thawngpang phunkip a ṭial, atanglei ah rel khawh an si.

Thawngpang Thar

Aa lomi thawngpang

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...

Ukraine cu Poland nih ral tuknak vanlawng 28 bak FREE in a pek

Update: US nih a duh lo caah an leet. Poland nih dairek in Ukraine kuat a ngamh lo...

US: Ukraine nih a tei lai

US Ramdang Vuanci Pu Blinken (hmanthlak) nih, "Ukraine nih teinak a hmuh lai," tiah a chim."Russia nih Ukraine...