A rauh hlan ah Chin state ah Covid-19 kakuaisii chunh a si cang lai

- Advertisement -

India nih man lo tein Myanmar ram ah a hlutmi Covid-19 kakuaisii (vaccine) cu Chin state chaklei chunh awk ah Yangon in Kalay lei ah an kuat cang.

A phak in cun chunh si cang lai.

Chin state Zatlang Vuanci Pu Pau Lun Minthang nih, “Kakuaisii cu kan sinah a phak rih lo caah zeizat a si kan hngal rih lo. January 25 ah Yangon in Kalay ah kan in kuat cang hna an kan ti,” tiah a chim.

India hlutmi kakuaisii cu minung ting 7 le cheu (750,000) chunh an timh hna i Chin state ah zeizat dah an chunh lai ti a fiang rih lo.

India nih Asia ram pawl; Maldives, Bhutan, Bangladesh le Nepal zong manlo in kakuaisi a kuat cang hna.

Atu hi mahle sang cio Khuabawi nih sangmi sinah chungkhar min cazin laknak kong thawngthanhnak an tuah cang. January 26 in min cazin lak si cang lai.

“Kakuaisii cu ngandamnak lei ah rian a ttuanmi pawl usape in chunh kan timh hna. Naupawi le kum 18 tang cu chunh an si rih lai lo,” tiah Vuanci Pu Pau Lun Min Thang nih a chim.

Atu kakuaisii an kuatmi hna hi Chin state thlanglei Paletwa ca cu aa tel rih lo. Nain, Sii Kuatnak Zung ah thawng an thanh cang.

Chin state ah ngandamnak lei rianttuanmi minung 3,000 leng an um.

Covid-19 kakuaisii kong he pehtlai in Ngandamnak le Zaanglek Vuanci Zung nih, “Minung 1 ah voi 2 chunh a si lai. Voi 1 chunh hnu in thla khat hnu ah voi 1 chunh si tthan lai,” a ti. – Chin World

Azi
Azi
Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cangmi asi.

Thawngpang Thar

Aa lomi thawngpang

Lairam dawtu Lalbiakchhungi, Kimkima le Van Hlei Sung nih Chin ralzaam caah concert an tuah lai

Kan ram uknak ṭhat lo ruangah kan miphun nih harnak fak taktak kan tuar cuahmah. Ramchung le Mizoram...

Thawngṭha: Tangka tlawm deuh in Australia kal khawh asi cang

Malaysia le India um Chinmi tampi Australia an phak khawhnak hnga mi tampi hmuh dingin share cio usih.Malaysia...

Pu Vahnie le US Cozah tonnak: Myanmar Democracy Ngahter Ding, Ralzaam Ramthumnak ah Lak Ding

US Kawlrammi Zohkhenhnak Bu (Burmese American Community Institute - BACI) hruaitu Pu Elaisa Vahnie nih Washington D.C. ah...

India nih Pakistan ah missile ka kah sual, ati

India cozah nih, "Pakistan ram ah missile ka kah sual," tiah thawng a thanh."Missile kahnak seh kan remh...