AMERICA _ U.S. Capitol buainak ah an kah i a thimi nu kha San Diego, California, ah a ummi a si. Ram dawtnak a ngeimi nu a si.
A min cu Ashli Babbit, US Air Force ah a rak tuan i ai din cangmi a si, ralkap hlun a si. Cawnnithum ah an Capitol innpi ah palik pakhat nih a kah. Kum 14 chung ram caah rian a rak tuan cang.
Biatakte in Trump a dirkamhtu a si i; amah hngaltu vialte caah ram dawtu mi lianngan a si tiah a vapa nih a chim.
A kaptu hi Capitol police (Capitol kilvengtu palik) a si tiah an ruah. Aho set nih dah a kah ti cu a fiang lo. Trump dirkamhtu cheukhat nih “martyr” a si an ti, nun thaap.
A thih hlan i Tweeter ah ca a tialmi cu: “Thlichia a ra. Zeihmanh nih a kan kham lai lo. An i zuam lengmang ko lai nain thlipi nih DC a khuh lai…muihnak cu ceunak ah.”
An kah caan hi a thongthong in Capitol an pah/bauh lioah a si. January 6 hi Republican tei ni a si tiah Trump dirpitu thazaang a rak pek lengmang hna.
