India ram, Jaunpur khuapi ah mipa pakhat cu a hawipa he arti pum 50 ei an i zuamnak ah a nunnak liam.

Subhash Yadav (kum 42) cu November 4 ahkhan min langhter lomi a hawipa he arti ei dingin Bibiganj market ah an kal. Mah hnu ah bia an i al.

Bia an i al lio ahcun arti ei i zuam usih tiah a hawipa nih a ti. Arti pum 50 a ei khomi cu Rupees 2,000 (RM115) pek siseh tiah a hawipa nih a ti. Yadav nih a hawipa chimmi cu a lungtling ve i arti cu pum 41 a ei. Arti pum 42nk a ei lio ah Yadav cu mah hngallo in a tlu.

Mah ahcun, Yadav cu pawngkam sizung ah rianrang in an tlikpi. A hnu ah, Sanjay Gandhi Post Graduate Institute of Medical Sciences ah an tthial.

Yadav cu sizung an tthial sml 1 hnu hrawng ah a nunnak liam. Yadav cu arti tamtuk a ei ruangah a thi tiah sibawi te nih an ti.

Yadav thihnak kongah a chungkhar nih zeihmanh an chim duh lo tiah palek nih an chim. – Philippine Daily

Azi cu Faiceu Journal website ah kum 1 leng thawnggpang a leh hnu ah The Chin Express (theihtlei.com, thechinexpress.com le thechinexpress.info) ah kum 3 chung thawngpang 2,000 leng a let/ṭial cang.