Norway company Telenor nih, “Myanmar ram kan simcard sipuaizi Telenor Myanmar cu Lebanon company M1 Group sinah US$105 million in kan zuar cang,” tiah tuni ah a thanh.
“Myanmar ram buainak a chiat lengmang caah kan zuarnak hi asi,” ati.
Ralkap nih mipi thimmi cozah February 1 ah uknak an chuh thokin, Telenor cu internet an phihter lengmang caah ‘Norway tangka 6.% billion kan sung cang’ tiin Telenor nih May thla ah a rak thanh.
“M1 group nih Telenor Myanmar cu a kan cawk cang, nain Telenor simcard a hmangmi pawl nih cun pehtlai tein an hman khawh peng ko lai. Kanmah Telenor nih tlaih ti loin M1 group nih an tlaih cang lai tinak lawng asi,” tiah Telenor lutlai Sigve Brekke nih a chim.
“Liamcia thla tlawmpal chung Myanmar boruak a chia chin lengmag i mipi an him lo chin lengmang caah Telenor kan caah upadi zulh a har chin lengmang,” ati.
