16.4 C
Hakha
Thursday, July 29, 2021
- Advertisement -

Ṭial Tharmi

72nk Chin Miphun Ni cu Thantlang ah Kyats ting 3,000 leng dih in an tuah lai

Chin state cozah nih tuah dingmi 72nk Chin Miphun Ni cu Kyats ting 3,000 leng dih in Thantlang khua ah an tuah lai tiah kan theih.

“Zeizat theng hman ding ti rikhiah in chim awk a ttha lo. Kyats ting 3,000 leng cu a dih lai tiah kan zumh. Atu kan hmuh dingmi hi ting 2,800 hrawng a si. Cozah tangka tlawmpal aa tel. Mi hlutmi, company pekmi zong aa tel. Cun, ramchung ramleng um a si khomi sin zongah bawmhhal kan timh rih,” tiah Chin state Sinpin Vuanci U Soe Htet nih a chim.

Chin Miphun Ni ah ram hruaitu bawi pawl le hmun dangdang in khualtlung tampi an sawm hna i tlunkalnak, riahnak le dinei lei kongah a tlamtlin khawhnak hnga zung rianttuan, khua nupa le biaknak lei hruaitu bu pawl cu khuakhan ttinak an ngei.

“Thantlang khua ah Chin Miphun Ni tuah dingin bia kan khiah kha ni kum August thla hrawng ah a si i atu hi puai tuahnak dingah harnak kan tong.”

“Ting 600 hrawng Thantlang khua nih thawh ding an ti. Khuapi lei in ting 400 an chuahpi ve lai. Khuate pawl fonh dih in ting 200 hrawng thawh kho dingin khua kan khan. Atu zong hi Hakha, Kalay le Mandalay ah a ummi Thantlang khuami sinah tangka kan kholh. Ramdang khualtlung 100 hrawng zong sawm an si cang,” tiah Thantlang khuami Pu Lawm Bik nih a chim.

Chin Miphun Ni caah a herhmi vialte timhlamh dih a si cang caah Union Day zong Thantlang khua ah pehzulh in an tuah lai tiah kan theih.

“Bawlung tual zong a thatnak in kan tuah. Lam pawl zong tha tein kan remh hna. Helicopter ttumnak ding hmun zong kan zoh cang” tiah U Soe Htet nih a chim fawn.

Tuan ahkhan 72nk Chin Miphun Ni cu Paletwa khua ah tuah dingin ruahceih a rak si nain Paletwa peng i ral ruangah Thantlang khua ah an tthial hi a si. – Chin World

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -