CHINA, India _ Christian hremnak cu pulrai a um lio hmanh ah Tuluk Le India ah a hung tam ngaingai. 2021 ah a zual chin lai tiah Release International phu nih ralrin pek.

Release International hi hremmi Christian pawl a bawmchantu an si. “Tuluk nih a ram chungah min pek lomi biakinn pohpoh cu hraamhraam in a kharter dih hna lai.”

Min a pemi (registered) Khrihfabu hna hmanh an cawlcangh zoh khawh dingin CCTV hraamhraam in a chiahter hna.

Communist agenda a zul lomi poh cu duhsah le a dotdot in an ci a hmih zuahmah hna lai. Cu lawng hlah, chawleh thalnak in miphun dangdang kha an kut tangah a chiah hna.

India zong ah Hindu Pialsual pawl nih BJP party a hung kai (2014) thokin Christian hremnak kha an thok ve. BJP PM Modi (2019) thim tthan a si hnu zong ah Christian le an biakinn dohnak a hung tam ngai fawn.

Pulrai a um lio hmanh ah an ngol hlei lo. Khrihfa doh/hrem cawlcanghnak 2019 ah a ummi hi  218 a si i, 2020 ahcun 225 in a karh.

Mah i ai telmi cu September, khuate 3 ah, 3,000 nih Khrihfa an hrem hna kha si.

CHRISTIAN TODAY (December 29)