AMERICA _ 2020 cu mi tampi caah phundang ngai a simi kum a si. COVID, miphun thleidannak, thimnak kong buainak le biakinn khar kum a si.

Khrihfa hruaitu tampi nih 2021 ca rawlulh thlacam an forhfial hna. 2021 kum a har lai nain thluachuah um kum a si lai tiah an ruah.

“A sang bik  Pathian fale kan si, kan zumhnak ah hneksaknak le harnak tampi an um ko lai nain Pathian kha a kan kilvengtu le cawmtu a si kha philh hlah usih,” Patricia King nih a ti.

Hi nu hi hmailei kong a phuang tawntu a si.

National Prayer Committee hruaitu le Think Eternity hruaitu le a dangdang hna nih mino 1 million hrawng rawlulh thlacamnak (Roaring Twenties Fast 2021) ah tel dingin an sawm hna.

“Pathian kan hlam tthan khawh nakding hmun kha kan i thim lai i, ei le din nakin amah kha tihaal in kan haal a hau,” tiah pastor Jentezen Franklin nih rawlulh thlacam cu a dirpi ve.

Ahlan i a liannganmi revival bantuk kha chan thar mino pawl sinah a um khawh naklai an i zuammi a si.

CBN NEWS  (January 1, 2021)