6.2 C
Hakha
Saturday, January 23, 2021

COVID-19

Vawleipumpi
99,042,340
A zawmi
Updated on January 23, 2021 7:48 pm
Vawleipumpi
2,123,507
A thimi
Updated on January 23, 2021 7:48 pm
Vawleipumpi
70,954,931
A dammi
Updated on January 23, 2021 7:48 pm

2020 chungah phungninglo ramdangmi 70,000 kan tlaih hna lai: Malaysia lahwahkah

Advertisement

Malaysia lahwahkah nih kum 2020 chungah a ram chung um phungninglo ramdangmi 70,000 tlaih dingin timhlamhnak a ngei.

Malaysia lahwahkah bawizik Datuk Khairul Dzaimee Daud nih “kan ram chung um phungninglo ramdangmi tlaihkhihnak ah kanmah lahwahkah lei nih voi dangnak let 2 in kan i zuam lai.”

“Ni kum ahkhan phungninglo ramdangmi 50,000 leng deuh kan tlaih hna i 2020 chung ahcun 70,000 tlaih khawh kan i zuam lai,” tiah a chim.

Malaysia cozah nih a ramchung um phungninglo ramdangmi mah lungtho tein mah ram ceo kirnak ‘Back for Good (B4G)’ programme a tuahmi cu nizaan December 31 zaantim ah a phih cang.

B4G soknak cu December 31, zaan sml 8 tiang cohlan a si.

Malaysia cozah nih 2020 January 1 in phungninglo ramdangmi tlaihkhihnak a thok tthan colh i tuni ahkhan Puchong ah Tuluk rammi 87 a tlaih hna. Online ah hrokhrol in tangka kawlnak a tuahmi an si.

“B4G programme cu ni kum August 1 in thok a si i zahan zaan tiangah a soktu ramdangmi 195,471 an si. Lahwahkah nih ramdangmi 165,040 cu an ram cio ah kan kuat cang hna. Ram pumpi lahwahkah thonginn ah tlung dingin timhtuah liomi ramdangmi 30,431 an um,” tiah Khairul nih a chim.

Malaysia cozah nih 2019 January 1 in December 24 tiang ah a ramchungah phungninglo ramdangmi tlaihkhihnak voi 17,328 a tuah i ramdangmi 50,715 le rian petu (boss) 1,251 a tlaih hna.

Malaysia ram ah phungningloin a ummi tambik hi Indonesia, Bangladesh, Myanmar, India le Pakistan ram in a rami pawl an si hna.

- Advertisement -

Bawmh Khawh Kan Si

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan rianṭuannak ah bawmh a kan duhmi nan um cun, thla 1 $5 tein bawmh khawh kan si.

Ṭial Tharmi

Ṭial Tharmi

COVID-19

Vawleipumpi
99,042,340
A zawmi
Updated on January 23, 2021 7:48 pm
Vawleipumpi
2,123,507
A thimi
Updated on January 23, 2021 7:48 pm
Vawleipumpi
70,954,931
A dammi
Updated on January 23, 2021 7:48 pm
- Advertisement -