17.9 C
Hakha
Sunday, July 25, 2021
- Advertisement -

Ṭial Tharmi

2020 ah Min Aung Hlaing president ‘asi kho men’

Myanmar Ralkap Bawizik Min Aung Hlaing hi president asi kho tak lai maw timi cu ‘ahcun’ timi cungah aa hngat. Atanglei ah ka fianter lai.

2008 Phunghram nih Ralkap cu Hlutdaw MP 25% a pek cia hna caah annih cu 2020 Thimnak ah i cuh an hau lo.

2020 Thimnak ah ralkap bawi hlun nih dirhmi USDP party le a ṭanṭi party (25 leng) pawl nih Rampumpi Hlutdaw MP 26% an ngah khawh ahcun ralkap MP 25% he i fonh (51%) in cozah an tlaih khawh lai.

Chin state, Rakhine, Kachin le Shan telh in tlangcung states 7 cu atu hi NLD acozah cungah an lungtling bak lo. Ral a tam chin, mipi harnak an tong chin. Mah ruang cun 2015 Thimnak tlukin NLD nih MP tam a ngah kho ti lai lo. Miphun party an lar te lai.

Zeitin dah Min Aung Hlaing cu president asi khawh lai?

Myanmar upadi ahcun, Amyotha Hluttaw le Pyithu Hluttaw nih vice president 1 veve an thim lai, cun ralkap nih 1 an thim ve lai. Anmah 3 cu Rampumpi Hluttaw (Amyotha + Pyithu = Union Hluttaw) ah MP nih vote an thlak hna lai.

NLD nih Rampumpi Hluttaw ah MP 51% a ngah khawh lo zongah, Amyotha le Pyithu Hluttaw ahcun USDP nakin MP tam deuh a ngah ṭhiam lai. Cucaah, USDP nih cun 26% ngah hmanh sehlaw vice president a thim kho lai lo i NLD nih amah member chungin a thim te hna lai.

NLD vice president pahnih le ralkap vice president 1 cu Rampumpi Hluttaw (Union Hluttaw) MP nih vote an thlak cang hna lai. Rampumpi Hluttaw ahcun NLD nakin USDP le ralkap MP an tam deuh cang caah ralkap vice president nih vote tambik a ngah lai i amah kha president asi lai.

Min Aung Hlaing nih ralkap MP pawl kha ‘keimah hi vice president ah ka thim uh’ ati khawh hna. Min Aung Hlaing nih a duh/lo lawnglawng si.

Min Aung Hlaing nih president ttuan a duh maw?

2011 in ralkap bawizik asi hnu in atutiang media pawl nih interview an tuahnak ah ‘president si na duh maw?’ ti an hal fatin “ka duh lo” ati bal lo.

Cun, 2016 ah kum 60 a tling. Myanmar upadi ahcun cozah rianttuan paoh kum 60 tlin ahcun pension lak ding asi. Nain a la duh lo. Tuan rih dingin President Htin Kyaw min a tthut ter.

President Htin Kyaw nih a rak thutpiak duh lo ruangah NLD acozah le ralkap pehtlaihnak a rak chia ngai, hnu ah a thut piak tthan.

Nai hrawng ah Min Aung Hlaing nih Muslim le Khrihfa pawl tangka le facang tampi a hlut hna. 2011 in ralbawizik asi cang nain hi bantukin biaknak dang pawl a hlu bal hna lo, nai hrawng a cawlcangh ning aa dang.

2008 Phunghram remh an duh lo. 2008 Phunghram cu acunglei kan langhter bantukin ralkap nih uknak tlaih khawh peng dingin rak tuahmi asi.

A um rihmi cu, ralkap nih kum 70 leng ram an uk hnu ah, hramhram in cozah pawnchuah (coup) loin upadi ning tein Min Aung Hlaing nih uknak a lak khawh tthan ahcun ralkap nih ‘pasalttha’ an ti lai.

Acunglei kan langhtermi pawl hi ruah tikah Min Aung Hlaing, kum 63 nih hin president ttuan a rak duh ziar khawh men.

Bia donghnak: 2020 Thimnak ah USDP le a ṭanṭi party (25 hrawng) nih Rampumpi Hluttaw MP 26% an ngah “ahcun” Min Aung Hlaing hi president a ttuan kho. A duh le duhlo lawng asi, a duhmi a lo ngai fawn.

- Advertisement -

Ṭial Tharmi

Malaysia: Raikhamsi voi 2 aa chun cangmi pawl cu restaurant ah rawl ei ngah cang lai

COVID-19 raikhamsi voi 2 ning tein aa chun cangmi pawl cu tu hnu ni tlawmpal ah zapi zaran nakin an zalong deuh cang lai. Malaysia...

Aung La i phomh dingin Singapore a phan cang, a sung hoi hnga maw?

Aung La Nsang cu July 30 ah Singapore ah Brazil pa Ataides he aa phomh ding an si caah tuni ah Singapore ram a...

US ah Pu Van Hnuai Hnin a nunnak liam

US ram, Indianapolis khuapi um Pu Van Hnuai Hnin nih ruah lo piin July 20 zaanlei 4:30pm ah hi vawlei nunnak in a kan...
- Advertisement -

Malaysia: October thla ahcun kan ram um kum 18 cung vialte COVID-19 raikhamsi kan chunh dih hna lai

Malaysia ram hruaitu Rampumpi Vuancichoh Pu Muhyiddin Yassin (hmanthlak) nih, "A ra laimi October thla ahcun kan ram um kum 18 cung vialte (rammi...

Malaysia nih raikhamsi voi 2 aa chun cangmi pawl caah SOP dorh/lo hmai zarh ah bia a chah lai

Malaysia ram hruaitu Prime Minister Pu Muhyiddin Yassin nih, "COVID-19 raikhamsi voi 2 aa chun cangmi pawl caah COVID-19 zulhphung SOP dorh/lo cu hmai...

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

- Advertisement -
- Advertisement -