10.9 C
Hakha
Thursday, February 25, 2021

COVID-19

Vawleipumpi
113,246,395
A zawmi
Updated on February 25, 2021 4:09 pm
Vawleipumpi
2,511,711
A thimi
Updated on February 25, 2021 4:09 pm
Vawleipumpi
88,805,326
A dammi
Updated on February 25, 2021 4:09 pm

2020 ah Chin ralzaam tam khawh chungin lak dingin US Congress kan hal

Advertisement

US President Donald Trump acozah nih 2020 Budget Kum chungah ralzaam 18,000 lak a timh. Mah chung ahcun Chin ralzaam a tam khawh chungin telh dingin US Hlutdaw (Congress) ah kan hal, tiah Salai Elaisa Vahnie nih a chim.

Salai Elaisa Vahnie cu October 21 in 23 tiang kha Washington DC ah kan Miphun le Ram caah U.S. Cozah le Congress sinah bia chimnak le meeting a ngei, i Malaysia le Inda taang Chin ralzaam dihlak nan kan lak piak a herh ko, tiah a nawl than hna.

“President Trump nih hmai kum FY2020 ah ralzaam 18,000 lawng lak a timh. US tuanbia ah a tlawmbik asi. Sihmanselawh atutiang ah minsen a thut rih lo. Tam deuh kan lak piak ko uh, tiah US congress ah kan nawlmi a ruat than i a si hnga maw, tiah kan ruah.

“Amah ruahnak aa thlen duhlo hmanh ah mah 18,000 chung ahhin Chinmi a tam khawh chungin kan i tel khawh dingin kan nawl chih,” tiah Salai Elaisa Vahnie nih a chim. 

“Chin Ralzaam a um a herh ti lo kan ti asi ahcun Kawlram Constitution le Institution fek tein remh ta ding le, federalist democracy ser hi a herh ko.

Cu kan ser khawh lawng ah refugee kan um ti lai lo. Ser khawhnak ding caah US Cozah nih bawmh a herh,” tiah US Cozah he meeting an tuahnak ah a chim.

“Biaknak le Miphun thleidan loin, democracy hruainak chungah zalong tein tlangcungmi pawl nih an i hruai khawh hlan lo cu remdaihnak taktak a um kho lai lo.

Zei tik poah ah ral a tho tthan kho peng. Cucaah ram hruainak a hrampi constitution rem hi a herh khunnak a si,” tiah a chim.

Pu Elaisa Vahnie hruainak in tum kum March, May le July thla ah Chin Refugee Advocacy Group nih US cozah an ton i, Malaysia le India a taang rihmi Chin ralzaam dihlak hi kum 3 chung ah rak kan la dih cang ko uh tiin an rak nawl, tiah kan theih.

- Advertisement -

Subscribe to Youtube

The Chin Express cu kan Chin mipi caah free tein ni fatin thawngpang dik thanh aa zuam pengmi kan si. Kan video hmuh na duh ahcun kan Youtube channel ah 'Subscribe' tuah ve.

Ṭial Tharmi

Ṭial Tharmi

COVID-19

Vawleipumpi
113,246,395
A zawmi
Updated on February 25, 2021 4:09 pm
Vawleipumpi
2,511,711
A thimi
Updated on February 25, 2021 4:09 pm
Vawleipumpi
88,805,326
A dammi
Updated on February 25, 2021 4:09 pm
- Advertisement -